Oh Sehun's Child

04.

  
"O ano'ng gagawin namin dyan sa maskara?" Tanong ni Lay hyung. Hyung, baka kakainin natin.

  
Sinuot ni Jongdae hyung yung maskara niya habang nagsasalita, "Syempre hindi ko hahayaan na makita ng iba ang kagwapuhan ko. Baka may makakilala sa akin bilang main vocal ng. . ."

   
Hindi na natuloy ni hyung yung sasabihin niya dahil pinutol iyon ni Chanyeol hyung. Marahas pero pabiro na kinuha niya sa kamay ni Jongdae hyung yung paperbag. Kumuha siya ng isang maskara at binalik kay hyung yung paperbag.

   
"Ako rin, kailangan ko rin itago yung nakaka-inlove na mukha ko." Seryosong pahayag ni Chanyeol hyung.

   
Agad namang nagsisunuran yung iba tapos nagbigay din ng comment. Syempre maliban kay Kyungsoo hyung at Minseok hyung. Tahimik sila, 'di ba? Pahumble pa.

   
Naisip ko na rin na kumuha ng maskara. Mahirap na din naman talaga kasi. Nakuha ko yung punto ni hyung. Paano na lang kapag may naka-kilala sa amin? Alam kong ilang beses na kaming naka-lusot at sinabi naming look-a-like lang kami ng Exo pero sa tingin ko hindi gagana yung palusot na yun lalo pa at magkaka-sama kami.

  
Tsaka ano. . . Bawal mabahiran ng dumi ang gwapo kong mukha.

  
Halos lahat kami may hawak hawak na maskara. si Kris hyung na lang ang wala. Hindi kasi siya lumapit. Binato sa kanya ni Jongdae hyung yung paperbag na yung maskara na lang ni Kris hyung yung nasa loob. "Sa'yo na yan, hyung. Last touch!" Masiglang sabi ni Jongdae hyung.

   
Nasalo naman ng maayos ni Kris hyung yung paperbag. Pero tinitigan niya lang 'to. Tapos tinignan niya kami at seryoso siyang nagsalita. "Ano ba kayo? Kung gwapo kayo, dapat nirarampa niyo ang mukha niyo. Gayahin niyo 'ko. Hindi ako magma-maskara dahil gwapo ak--"

    
Pinutol na ni Suho hyung yung sinasabi ni Kris hyung dahil halata naman na hindi na naman nagets ni Kris hyung yung ibig naming sabihin. Kahit kelan talaga, oh.

   
"Suot mo na 'yan!" Saway ni Suho hyung. Aba ang lakas ng loob nito ni hyung sawayin si Kris eh manliliit lang naman siya.

   
"Ni hindi niyo pa nga sinusuot yung inyo tapos ipapa-suot mo na sa'kin?!" sagot ni Kris hyung.

   
Nagtalo pa sila ng nagtalo. Maniwala ka man sa hindi, napunta yung pagtatalo nila sa height difference nila. Naputol nga lang dahil nakita namin na nag-walk out si Sett.

   
"Sige magkalimutan na tayo hyungs!" Rinig naming sigaw ni Sett. Natawa at napa-iling na lang kami. Ang drama. Palibhasa kasi naii-spoil ng Grupo. Sinundan na namin si Sett at nang maabutan ko siya ay binuhat ko na lang siya.

   
"Agawin mo yung linya ni Tao sa umpisa." Pagsulsol ko kay Sett. Lumapad naman yung ngiti niya bigla. Basta talaga pagdating sa pambubwisit kay Tao, gustong gusto niya eh.

  
"Yung ano, dad. . . Yung 'Yo, okay'?" Tanong niya at tumango ako. Nagtawanan kami at nag-high five. Narinig ko pang sumigaw si Baekhyun hyung.

   
"Oh ano'ng meron, ano'ng meron dyan?" Tanong ni Baekhyun hyung. Sumigaw naman pabalik si Sett habang tumatawa. "Wala po hyung, sabi lang ni dad rectangle daw po yung bibig mo pag tumatawa!!"

  
Nanlalaki ang mga mata na tumingin ako kay Sett. Sumigaw ako, "Hoy wala akong sinabing ganyan!" Pabirong tumingin siya sa likod namin kung nasaan sila hyung. Nag-make face siya at sinabing, "Hindi hyung! Sinabi talaga ni dad yun, maniwala ka sa pogi!" sabi niya. Pabiro at mahinang tinulak ko na lang yung mukha niya gamit yung palad ko.

   
Baliktarin ba naman ako? Parang dati lang ako lang yung gumagawa nyan ah. Tsk tsk.

  
-------------------------