CHOSEN ONES (Revised Version) (COMPLETED)

CHAPTER 26

7AM nang magsimula ang araw para sa section namin. Wala pa si Ru. Kahit anino man lang niya ay hindi ko pa nakikita.

Nasa library ulit kami ngayon para sa bagong psychometric assessments na nasa loob ng pitong papel. Ibang level na ng mga questions pero hindi ko pa rin sinagutan nang maayos kaya natapos ko ulit nang maaga. Kinuha ko agad ang cellphone ko para i-track ang lokasyon ng grupo nila Jay. Nang makita na magkakalapit pa rin sila ay saka ko na hinintay ang oras para sa susunod na ganap sa klase namin.

9AM hanggang 12PM ang lecture namin sa Ideology class na pinangungunahan ni Mr. Pirada. Introduksyon lang ng iba't ibang uri ng ideolohiya ang inikutan namin bago dumating ang oras para sa aming pananghalian. Isang oras lang ang binigay sa'min para sa susunod na klase kay Mr. Flores. 

Amoy na amoy ang alimuom mula sa basang lupa sa labas. Kasisimula lang ng ulan. Parang malungkot lang ang kalangitan pero hindi gano'n kalakas ang pagbuhos ng ulan. Bumaba na sila upang lumabas sa gusaling ito. Bahagyang lumingon pa ako sa loob habang iniisip kung magluluto na lang ba ako o sasama na rin sa kanila.

"Let's go!" Aya ni Ramirez na may hawak na bukas na payong. Inabot niya naman sa'kin ang isang sarado pa na transparent na payong na kinuha ko rin naman. Sumabay na rin ako sa kanila patungo sa cafeteria.

"Uy, sa'n ka pupunta?" Tanong niya nang akma na akong pipila sa station kung saan ang pila para sa mga ulam. Nang lingunin ko siya, do'n ko lang napansin na nakapwesto na 'yung iba sa mahabang lamesa sa pinakaharap. "We don't need to line up with them na. Pupuntahan tayo ng staff." Pagpapaalam niya sa'kin saka ako napatango at sinundan na siya papunta sa mga kasamahan namin. Ang mesa at mga upuan lang namin ang natatanging kulay itim. 

I even wandered my eyes dahil ngayon lang ako nagawi ritong muli. Masyadong halata 'yung division nang dahil sa kakaibang uniporme namin mula sa kanila. Pansin ko pa ang mga nakaw nilang tingin sa'min na hindi ko mabasa kung ano ang ibig-sabihin. 

"C-CR ka? Sama ako!" Rinig kong sambit ni Krizelle Gerilla.

"Ako rin, sama!" Sabat ng pinsan niya.

"Ikaw ba? MagC-CR ka?" Tanong sa'kin ni Ramirez na nasa tapat ko ngunit umiling lang ako. Kaya naman naiwan ako rito kasama ang mga kaklase kong lalaki. 

I have never felt comfortable kahapon pa, and I assume na nagsimula ito no'ng magkahiwalay kami ni Ru. Dumagdag pa 'yung case nila Jay at ngayon ay 'yung sitwasyon naman na 'to. Hindi ko alam kung gusto ba ng ibang mga estudyante na patayin kami sa mga tingin nila o ayaw nila kaming pakainin gamit ang mga nakakayamot na mata nila. If they're angry because of the class, then they must go rant it to the upper heads. Aba, biktima lang din kami.

"Pa'no mo nagagawang maging inosenteng estudyante dito habang kriminal ka sa labas?" Mahinang tanong ni Warren na parang pinaparating na ang kapal naman ng mukha mong takasan ang batas. Nakaupo siya sa kaliwang tabi ko at nasa dulo din kami kaya siguro malakas ang loob na itanong ito sa'kin. Hindi ko na lang sana siya papansinin dahil ayaw kong magsayang ng enerhiya sa existence niya ngunit kumana pa siyang muli. Nananadya atang kamutin ang konsensya ko.

"Tinakbuhan mo lang naman ang batas."

"Alam mo? Kayang-kaya naming kunin ka rito para sa dagdag na incentives. Salamat sa patong-patong mong kaso, at sa pagpapahaba ng panahon sa pagtatago----"

"E ba't 'di mo pa gawin?" Mahina ko ring tugon. Ang dami pa kasing kinakana e alam ko naman na ang pinupunto niya. Pareho kaming nakaharap at hindi nakatingin sa isa't isa habang nag-uusap. "I'm not that stupid---"

"Sabi ng t*ngang hindi ako namukhaan---"

"Malay ko ba na mas pinapangit mo ang sarili mo. Mukha bang kaya kong sauluhin ang pagmumukha ng mga pangit?"