Encantadia: A Love Untold [COMPLETE]

Ӝ Kabanata XC Ӝ Ang Sapiryan at ang Diwata

(Authors Note:
          I've been doing this story since December 25, 2016.
I just wanna thank all of you for reading and non stop supporting this story.
         Keep Fighting! YbraMihan!
KyRu! 💙💛)

Ӝ Kabanata XC Ӝ
Ang Sapiryan
at
ang Diwata

Ӝ

Sa Nakaraan....
      Sa kuta ni Amarro.....

          Nasa bisig pa din ni Ybrahim ang walang malay na si Amihan. Lahat sila ay walang magawa para mapagaling ang sugat na nilikha ng umbra ni Avria kay Amihan. Nang may maramdaman silang nagbabadyang panganib.

         "Pashnea.... Bagong hukbo ng mga vedalje!" Sigaw ni Pirena.
         "Ngunit sugatan si Amihan!" Sabi ni Alena na tumayo na din at inihanda ang kanyang sandata. Ganun din ang ginawa nila Azulan, Memfes, Amarro at Apitong. Nilingon naman ni Pirena si Danaya at Ybrahim na hawak pa din si Amihan.
         "Danaya! Gamitin mo ang evictus at umalis na kayo nila Ybrahim at Aquil dito." Utos ni Pirena sa bunsong apwe.
     
          "Ngunit paano kayo?" Tanong ni Danaya.
          "Kami na ang bahala sa sarili namin... Basta ipangako mo na gagaling si Amihan...." Sambit pa ni Pirena kay Danaya, sang-ayon naman si Alena sa naisip ni Pirena.
          "Kung gayon ay mag-ingat kayo." Sabi nj Danaya saka niya hinawakan sila Ybrahim na hawak si Amihan at si Aquil saka sila nag-evictus paalis ng kuta nila Amarro.

         "Tayo na at tapusin ang mga vedalje na ito." Sabi ni Pirena sa mga kasama saka nila sinalubong ang pagsalakay ng mga kawal-Etherian na dala nila Juvila at Odessa.

        Agad na nilabanan nila Pirena at Alena kasama ng kanilang mga kapanalig ang mga kawal-Etherian na sumugod sa kanila na madali din nilang nagapi.

        "Tanakreshna! Di ako papayag na matalo tayo!" Sabi ni Juvila saka niya pinagana ang kanyang kapangyarihan. Pinatigil ni Juvila ang panahon pansamantala sa kanyang mga vedalje kaya di makagalaw ang mga diwata.

        "Pashnea... Si Juvila!" Sambit ni Pirena ng di na sila makagalaw. Marahan naman lumapit sa kanila sila Juvila at Odessa.
        "Lumaban kayo ng patas tanggalin mo ang kapangyarihan mo sa amin!" Galit na sabi ni Alena. Nakangising tinapik-tapik ni Odessa ang kanyang pisngi.

          "Ssheda mababang uri ng diwata... Lahat kayo dadalhin namin kayo sa Etheria... Hahayaan namin ang Reyna Avria ang siyang magpataw ng parusa sa inyo." Sabi ni Odessa.
        "Mga kawal... Itali sila at dadalhin na natin sila sa Hera Andal." Sabi ni Juvila. Isa-isa namang itinali ng mga kawal-Etherian saka sila pinagtulakan para maglakad papuntang Hera Andal.
.
.
.
.
.
.
.
.
.
.
.
.
.
.
.
.
.
.
.

         Di maiwasan ni Aquil na ikuyom ang palad niya habang pinagmamasdan nila ang pagdakip ng mga kawal-Etherian sa kanyang ama at sa mga dayo. Nang nagkagulo na kanina ay lihim silang pinuntahan ni Apitong para ilikas at di madamay sa pagdarakip ng mga kawal-Etherian.

        "Adto Apitong... Paano si Ama?" Tanong ng paslit na si Aquil. Napailing naman si Apitong.   
        "Huwag kang mag-alala... Makakayanan ni Pinunong Amarro na makatakas sa Etheria." Pampalubag loob ni Apitong sa bata.
        "Ngunit saan na tayo tutungo Apitong?" Tanong sa kanya ng isa sa mga diwata.