Encantadia: A Love Untold [COMPLETE]

Ω Kabanata XIX Ω Ang Katotohanan Ukol kay Ybarro

Ω Kabanata XIX Ω
Ang Katotohanan Ukol kay Ybarro
Ω

               Maaga pa lamang ay naging abala na si Mila sa paglilinis ng mansion nila Akeshya at Berdano ayon kasi sa mag-asawa ay isang kaibigan at kasosyo sa negosyo ang magbabakasyon sa kanila. Kaya naman naglinis sila ng nanay niyang si Amanda.

            "Anak malinis na ba diyan?" Tanong ni Amanda sa anak,  paglabas nito ng kusina.
           "Opo naman Nay... Makintab na nga oh... Pwede na silang magsalamin." Nakangiting biro ni Mila sa Ina.
           "Ikaw talagang bata ka puro ka kalokohan.... Tara na sa loob at tulungan mo akong mag-ayos ng hapag baka mamaya ay dumating na sila Ma'am Akeshya at ang bisita nila." Sabi ni Amanda. Tumango naman si Mila saka ito sumunod sa nanay sa dining area.

            Maraming putahe ang niluto ng nanay niya para sa mga amo nila at mga bisita nito ang sabi kasi ni Sir Berdano ay matagal daw nawala sa Pilipinas ang mga ito kaya na-miss ang Filipino food.

          Habang naghahain ay nakarinig sila ng paghinto ng isang kotse.
          "Naku baka nandyan na sila.... Madali ka Mila ilabas mo na itong kare-kare." Sabi ni Amanda at ipinasa kay Mila ang bowl na pinaglalagyan ng kare-kare. Agad naman na kinuha ito ni Mila at nagmamadaling naglakad papunta sa dining room.

          Sa pagmamadali ni Mila ay di niya napansin na may kasalubong pala siya kaya nagkabanggaan sila.
          "Aaaay!" Sigaw niya ng matapon dito ang kare-kare at napa-upo sila pareho sa sahig.
          "What the hell!" Sigaw nito.

          "Oh my God!  Anthony!  Are you okay?!" Sigaw ng babaeng palapit sa kanila.  Nakangiwi naman na tiningnan ni Mila ang nakabanggaan niya na tinawag na 'Anthony'.

           At di siya nagkamali ng akala nakasimangot na nakatingin ito sa kanya.

          "Sorry..." Sabi niya saka siya nag-peace sign dito.
.
.
.
.
.
.
.
.
.
.
.
.
.
.
.
.
.
.
.
            "Ako..... Ang iyong ama." Sambit ni Ybarro sa diwani.  Nakakunot naman ang noo na tumingin si Lira sa Ina. Maging sila Danaya at Pirena ay nagulat sa isiniwalat ng mandirigma.

          "Siya ang aking ama.... Isang mababang uri ng mandirigma?" Puno ng disgustong sabi ni Lira kay Amihan.

           "May katotohanan ba ang sinasambit ng mandirigma Hara?" Tanong ni Danaya.  Di naman tumugon si Amihan kay Danaya kanyang nilapitan si Lira.
  
         "Lira.... "
         "Oo... Lumaki nga ako sa mga mandirigma ngunit di ako nanggaling sa kanilang lipi." Sambit ni Ybarro.

          "Ano ang ibig mong sabihin mandirigma? " tanong ni Pirena kay Ybarro.
          "Ang tunay kong pinagmulan ay ang lahi ng mga sapiryan." Sambit ni Ybarro.

          "Isa kang Sapiryan?" Sambit ni Danaya.
          "Siyang tunay sapagkat ako si Ybrahim ang nawawalang prinsipe ng Sapiro." Sambit ni Ybarro sa mga ito na labis na ikinagulat ng mga sang'gre lalo na ni Amihan.

           "May katotohanan ba ang sinasabi niya?" Tanong ni Lira sa Ina.

            "Isa lang ang paraan para malaman natin ang katotohanan.... Tayo na sa punong bulwagan at ipatawag si Imaw ng magamit ang balintataw at makita kung may katotohanan ang sinambit ng mandirigmang ito." Sabi ni Pirena saka ito nagpatiuna sa paglalakad papuntang punong bulwagan.

          Tahimik naman na sumunod ang lahat. Pagkaalis naman ng lahat saka lumabas sa pinagkukublian si Ades. Siya ay nagtataka kung paano nalaman ng Rehav and tunay na pinagmulan nito.
.
.
.
.
.
.
.
.
.
.
.
.
.
.
.
.
.
.
.
.
.
.
.
             "Nakakahiya ang ginawa mo Mila... Simpleng gawain na lamang ay di mo pa magawa!" Galit na sermon ni Berdano kay Mila habang nasa kusina sila at ang natapunan niyang Anthony na yun ay nagpapalit sa taas.