The Master of the Game (Book 1) COMPLETED

Chapter 39: Move on

"Sir Ivo hindi po pwedeng magsama sa isang kwarto silang lahat. The suite only has 3 beds and under renovation po ang karamihan ng suites natin. Tatlo na lang po ang available na suites natin. If you want po, we can get them rooms na 1st class din po after ng suites." Abiso ng babae sa pinsan 'ko.

"Will that be okay?" tanong ni Ivo sa mga kasama namin.

"Ayos lang naman sa amin 'yon. Magkakasama na lang kami ni Kib at Andrei." Sagot ni Aljun kay Ivo.

"Espadahan is real!" kantyaw ni Ricci na agad 'ko'ng kinurot. "Babe mashakit!" reklamo niyang pabiro at ngumuso pa.

"Abnormal talaga to'ng si Ricci." Komento ni Kib at umiling. "Not into gay sex. Baka itong si Aljun at Andrei gusto."

"Hoy ulol ayoko ng senyoritang saging ni Andrei!" sagot ni Aljun na nagpatawa sa aming lahat. Hindi talaga sila nahihiya kahit na nasa harap namin ang mga empleyado ng hotel nina Ivo.

"Aba baka gusto mo'ng isampal 'ko sayo ang hotdog ni Aljur!"

"Putangina!" sigaw ni Brent at 'di 'ko na napigilan na humalakhak dahil sa sobrang kababuyan ng mga taong ito. Hindi mo talaga pwedeng sabihin na hindi sila normal na tao dahil ibang iba pa rin ang ipinapakita nila sa fans nila, sa court at dito.

"Sorry miss." Dinig ko'ng sabi ni Rash sa babae na ikinapula ng pisngi nito. Nagtaas ako ng kilay at may kung anong naamoy sa ginawa ni Rash.

"Uhm... sir, should I give them the rooms?" nahihiyang tanong ni Chiara.

Agad na tumango si Ivo na hindi pa din matigil sa kakangisi dahil sa biruan ng mga taong ito. "Yes please. Salamat Chiara." sagot ni Ivo at doon na nga ibinigay sa amin ang susi ng tatlong suites. Ang mga magkakasama sa suites ay sina Aljun, Kib at Andrei. Sa isa naman ay kami nina Michelle at Sherlyn. Napagpasyahan na din nina Ivo at Leesi na bigyan na lang ng isa pang suite sina Ricci, Prince, Brent at Rash at sila daw ay sa kwarto na lang nila matutulog dito sa hotel.

Agad kaming sinundo ng mga bell boy para tulungan kami sa aming gamit. Walang humpay na kantyawan at hagalpakan ang nangyari sa buong saglit na paglalakad namin papunta sa aming mga kwarto. Panay ang harutan nina Brent at Sherlyn sa gilid namin samantalang si Ricci ay kuntento na sa magkahawak namin na kamay. Hindi na din ako nakisali sa biruan ng Green Archers at baka kami na naman ang maasar nila ng kung ano.

"Ricci bitaw na huy!" sita sa kanya ni Brent at pilit na hinila na si Ricci palayo sa akin nang makarating na kami sa kanya kanya naming suites na magkakatabi lang.

"Brent kayo ni Sherlyn hindi 'ko kayo pinapakialaman ha." Sambit ni Ricci. "Don't tell me you're still into Lillian?" nagtaas ng kilay si Ricci.

"Bro, alam mo naman na ikaw lang sapat na e." pabirong sagot ni Brent at lumingkis pa sa braso ni Ricci. Brencci is real talaga!

"Para ka'ng tanga Paraiso." Sagot ni Ricci saka niya hinawi ang kamay ni Brent na nakahawak sa kanya bago sa akin humarap. "See you later?" may ngiti niyang tanong sa akin.

Tumango na lang ako at ngumiti na din bago niya ako binitiwan at pumasok na sila sa kanilang suite. Ganoon din ang ginawa ng iba at kami na din nina Michelle at Sherlyn.

Iniligid 'ko ang aking mata sa mga muebles na nasa loob ng suite. Malinis at kumikintab ang buong kwarto. Sumisigaw ng sobrang ka-elegantehan ang buong lugar at tunay ngang isa ito sa mga world class hotels dito sa Puerto Galera.

Nakita ko'ng may tatlong kwarto sa suite na ito na agad ko'ng ikinatuwa. Kahit papaano naman pala ay magkakaroon pa rin ako ng privacy. Palagay na naman ang loob 'ko kay Michelle pero hindi 'ko pa gaanong nakakausap si Sherlyn kaya hindi 'ko alam kung magkakasundo din kami. Pero sa tingin 'ko naman ay oo dahil magkasundo naman kami ni Brent sa mga bagay bagay at ganoon din sila ni Sherlyn kaya siguro'y ayos lang.