Listen To My Lullaby

Chapter 29 - King and Queen

May mga kotse na humahabol, nakikisabay sa mabilis naming pagharurot.

"Paano sina Niel, Paul at iba pa roon?"

"Alam na nila kung ano ang gagawin nila. Ang importante ikaw."

Tumunog ang cellphone ni Raven, may isinuot siyang isang maliit na device sa kanyang tenga upang sagutin ito.

"Niel. Oo, kasama ko siya. Ipapadala ko sina Aiden dyan kasama ng iba. Alam mo na kung saan mo kami mahahanap. Diretso na kami sa Headquarter."

"Saang Headquarter? Ano ba talagang nangyayari?" tanong ko sa kanya pagkaalis na pagkaalis niya ng maliit na device sa kanyang tenga. Ang tingin niya ay nasa harap lamang, alisto at seryoso.

Mayroong isang panibagong kotse ang bumangga sa amin. Noong tumingin ako sa rearview at side mirror ay may nakita akong dalawang kotseng sumusunod sa amin. Isang kulay pula at isang kulay berde.

Binabangga nila kami ng binabangga hanggang sa halos napunta na ang kotse namin sa kabilang linya ng daan. Hindi nagsasalita si Raven ngunit kapansin-pansin paghigpit ng kanyang mga kamay sa manibela.

"Kumapit ka." Sabi pa niya sa akin, ginawa ko naman. Ang aura niya ay padilim nang padilim. Mayamaya pa ay muli niyang hinawakan ang kambyo ng sasakyan, inapakan ang gas pedal ng napakadiin bago mabilis na pinaikot ang manibela pakanan upang banggain ng napakalakas ang pulang kotse. Halos mayuga hindi lang katawan ko kundi pati na rin kaluluwa dahil sa lakas ng impact na ginawa niya. Nakita ko na lang sa labas ng bintana kung paano nawalan ng preno ang pulang sasakyan na malakas na bumangga sa isang poste.

Rumaragasa ng napakabilis ang sasakyan namin sa daan. Napakaraming kotse sa harap ngunit lahat lamang iyon ay nalalagpasan ni Raven ng walang kahirap-hirap. Hapon na at nagsisimula na ring dumilim. Mayroong mga wangwang ng pulis mobil kaming narinig kaya bukod sa naiwang berdeng kotse ay hinahabol na rin kami ng mga pulis dahil sa over speeding.

Hindi ko alam pero imbes na makaramdam ng takot at kaba ay nakaramdam pa ako ng excitement. Lalo na noong nagsimulang makipaghitgitan ang berdeng kotse sa likod, kulang na lang ay i-cheer ko si Raven upang bilisan pa niya.

Ang galing lang niyang magpatakbo. Smooth and fast, his reflex was just really awesome.

Ang dami naming pinasukan na malilit na eskinita upang maitakas at mailigaw ang mga kotse na humahabol sa amin. Ngunit makulit ang kulay berdeng kotse dahil hindi kami tinatantanan.

Mas lalo pang binilisan ni Raven ang pagpapatakbo. Pinagmasdan ko ang paghigpit ng kanyang mga kamay sa manibela. I watched how the muscles on his arms tighten and how he clenched his teeth with such ferocity, he looked like an alpha ready to kill.

Umabot kami sa isang bakanteng lote. Nailigaw na namin ang mga pulis ngunit ang berdeng kotse ay nanatiling nakasunod. Tuloy-tuloy lamang si Raven sa pagmamaneho ng mabilis na tila ba nanunukso sa humahabol sa aming kotse. Noong dead end na sa dulo ng lugar, mabilis na pinaikot ni Raven ang manibela pabalik at saka malakas na binunggo ang berdeng kotse. He never stop driving until he started drifting the car so fast around the other car, I almost lost my breath. Nakita ko ang pag-usok ng gulong namin pati na rin ang alikabok na tila ba pinapalibutan kami sa isang hiwaga ng misteryo-- mayroong pakiramdam na tila ba nasa ibang mundo ako.

Umatras siya ng konti bago muling inapakan ang gas pedal paabante. Mayamaya ay nakita ko na lamang ang malakas na pagbangga namin na halos nagpalipad at nagpasalpok sa berdeng kotse diretso roon sa isang malaking pader.

Nakita ko kung paano umusok ang nakabaliktad na berdeng kotse. Kami na lang ni Raven ang nanatiling umaandar.

Sumandal ako sa aking upuan na may may malalim na paghinga, hindi ko namalayan na kanina ko pa hinihigit ang paghinga sa sobrang pagkamangha sa mga nangyari kanina. Dinaig ko pa ang sumakay sa roller coaster. 'Yung kaba at adrenaline rush sa kung ano ang maaaring mangyayari. Madidisrasya ba kami? Makakaligtas? Pero halata naman kay Raven na alam niya ang ginagawa niya.