Artistahin

Chapter 2: Artistahin

Chapter 2: Artistahin

Kinabukasan sa kotse lumingon si Clarisse at tinitigan si Enan. “Oh no, let me guess inutusan ka nanaman ni Shan para pagsabihan ako. Tama? Kasi meron nanaman siya hindi masabi sa akin kaya ikaw nalang magsasabi” sabi ng binata. “Well we talked about it pero this is me just being concerned. Bestfriend ka ni Shan so parang bestfriend narin kita” sagot ng dalaga.

“Kung ito ay tungkol kay Violet wag na, tanggap ko na. Binasted niya ako kasi takot siya magkanobyo na artistahin. Naiintindihan ko siya, kasi kami mga artista e iniisip nila mga playboy kami. So I get it” landi ni Enan at napahaplos si Shan sa noo habang yung nobya niya natawa.

“Serious talk Enan” sabi ni Clarisse. “Fine, ano?” tanong ng binata. “Enan worried kami ni Shan, well lalo na siya kasi masasakit mga banat mo kay Gregory” sabi ng dalaga. “Ah yon, look you two beautiful creatures will not understand this. Trust me okay lang kay Greg ito, siguro sa ngayon hindi pa pero I am actually teaching him a lesson”

“Si Gori malaking tao, nakatatakot kaya bihira yung manlalait sa kanya ng harap harapan. Kasi takot sila baka majombag sila using his animalistic gorilla strength…as if aabot pa don kasi pag kumunot noo ni Gori sasama na paglaki ng ilong niya…ooooh very scary na siya kaya takbuhan na sila palayo” banat ni Enan at napatawa niya ang kanyang mga kaibigan.

“Enan, ganyan harsh ka na” sabi ni Clarisse. “Alam niyo, once na may mamikon talaga kay Gori di niya makakaya. Tulad ng sabi ko pabulong o patalikod siya nilalait, malamang unaware siya. Ako look at me, kinakaya kaya ako ng lahat. Harap harapan nilalait, minsan nga as in ako na yung joke time e. Pero namanhid na ako kasi parang almusal, pananghalian at panggabihan ko na panlalait e”

“I hear them, Gori does not. Ako sanay na, siya for sure hindi pa. Kaya pinipikon ko siya para masanay na siya. Look pipikon sa iyo kapwa mo pangit kaya lalabas na parang joke lang kasi look at me. It may hurt him but not that much compared to someone looking good says it. Yun ang masakit talaga”

“Itong mga daliri ko na nabali niya, damang dama ko galit niya noon pero pigil e. Parang on the verge of breaking down siya kasi first time ata siya napikon…tapos yung nanlalait pa sa kanya yung babaeng gusto niya. Let me just tell you two…wala nang sasakit pa, ultimate pain yung lalait sa iyo e yung taong pinakagusto mo”

“Nung nilait ako ni Violet…it was so painful. Oo nasanay na ako pero hearing harsh words from her, the one I really like…iba yung sakit. Nanliit talaga ako so I understand Gregory. Eto panlalait ko sa kanya sinasanay ko lang siya. Tulad ng sabi ko kapwa pangit lalait sa iyo so parang okay lang. Once masanay siya sa akin, kahit sino pa manlait sa kanya okay lang basta wag yung next na babae na gusto niya” paliwanag ni Enan.

“Sorry” bulong ni Clarisse. “Relax lang kayo, I think Gori gets it naman. Kung hindi naku kahapon pa ako patay sa kanya no. I know he still blames me tungkol sa Cherry incident, pero maganda na nangyari yon” sabi ng binata. “He broke your fingers” sabi ni Clarisse.

“Okay lang, mga daliri ko gagaling yan. Pero yung nagawa ni Violet sa puso ko hindi. Gori does not know nakatulong ako, pasimula palang siya kay Cherry, ako matagal na ako patay na patay kay Violet. Mas okay na yung sakit na naramdaan niya that day compared sa sakit na naranasan ko kay Violet”

“Pag nabali buto may cast, pwede pa maayos. Pero pag puso nabasag, walang cast cast, walang gamot, okay sana if she just said it nicely. Pero basted ka na nga lalaitin ka pa…tagos sa buto, parang nagparoot canal ka sa dentistang sadista na sinagad yung drill at dinikdik talaga nerve endings mo” bulong ni Enan.

“I can talk to her” bulong ni Clarisse. “Wag na no, kahit naman umakting siya being nice tumatak na. I am eighteen years old, nung araw na yon nanliit ako, mas maliit pa sa sperm” banat ni Enan at natawa si Shan kaya kinurot siya ni Clarisse. “Not funny” sabi ng dalaga. “Tama na nga drama na yan, pare isang tanong, are you okay?” tanong ni Shan.