The Temporary Girlfriend

Chapter Thirty-Seven

“Ay wala lang yun. Baking lesson kami ngayon e. Tuturuan ako ni Ate Lenny gumawa ng brownies. :D”

“Wow naman! Pag masarap, mamigay ka ah!” Nagsimula na kaming bumaba sa hagdan.

“Kelan pa kaya di masarap luto ko?” I said proudly.

“At proud ka talaga dun? :P Oo na, ikaw na magaling magluto. Basta wag mo kaming kalilimutan pag perpek ang gawa mo ah?”

“Sure naman. Lagi ko kaya kayong taga-tikim.”

“Basta next time, matuto ka ng magbake ng cake at gumawa ng frostings. Para pag-ikakasal ako, sa’yo na lang ako oorder.”

“Naka naman! Bago ka ikasal, maghanap ka muna ng boyfriend noh!”

“Ay nako, dapat ako hinahanap niya noh.”

“Ewan ko sayo, namamana mo na pagiging girly-girl ni Marj ah!”

“E ikaw kasi! Nawala na yung pagka-dyke natin nung nagboyfriend ka! T^T”

“Hala? Kasalanan ko ba yun? Don’t worry, pag nagbreak kami, babalik na ako sa pagiging rocker natin.”

Natawa naman siya sa sinabi ko. Ka-banda ko kasi yan si Caryl noong sinaunang panahon. Siya sa keyboard nung mga panahong yun at ako pa yung lead guitarist. Puro kami babae sa grupo, isipin niyo na lang yun sa K-On! Ako si Yui *ehem ehem* tapos si Caryl si Mugi-chan. Kung di niyo pa yun napapanuod, panuorin niyo na at ng maka-relate kayo. :P

“Teka, Vee. Sinong maghahatid sa’yo pauwi? Sabay ka na sa akin?”

“Pwede ba?”

“Sus. Parang di rin tayo ganito nung mga panahong di pa kayo ni Red.”

“Dami na talagang nagbago noh?”

“Tama. Tsaka nakaka-miss rin pala yung ganun.”

“So, pag hindi na kami ni Red, pwede pa bang makisakay ulet sayo?”

“Lol! Welcome na welcome na welcome ka! Miss ka na ng Camaro ko. :D”

“Edi i-hug naten siya!”

Papunta na kami sa parking lot ngayon. Ganito ang buhay ko noon, nung wala pa yung contract. Simple lang, walang problema, walang heart break. Pero wala ring Red.

Sumakay na kami sa kotse niya.

“Vee..”

“Hmm?” sabi ko habang sinusuot yung seatbelt ko.

“Kung babalik si Venisse, papabayaan mo ba siyang kunin si Red sa’yo?” Napatigil naman ako sa tanong ni Caryl. Huminga akong malalim tsaka tumingin paharap.