POSSESSIVE 11: Valerian Volkzki

CHAPTER 21

Huminga si Valerian nang malalim, saka tumingin kay Lander. "May kaibigan ka sa LTO, 'di ba?" Tumango ito. "Ipahanap mo kung ano ang plate number ni Grace Oquendo." Fuck! I can't lose her! "Shun, pakihanap si Grace sa lahat ng papaalis na eroplano sa bansa. Kung kailangan mong suyurin ang bawat database ng mga paliparan sa buong bansa, suyurin mo." Please, God, keep her safe. I love that woman. "Ream, 'di ba dati ka namang pulis?"

"Yeah," Ream answered. "Ano'ng magagawa ko?"

"May connection ka ba sa 'taas?"

"I could pull some strings," wika ni Ream, saka inilabas ang cell phone mula sa bulsa at may tinawagan.

Kahit paano, kumakalma na siya. "Andrius, can you—"

"On it!" mabilis na tugon nito habang mabilis na nagta-type sa cell phone. "Tatawagan ko si General Salazar."

"'Di ba ama mo si General Salazar?" naguguluhang tanong ni Knight kay Andrius.

"Yes." Andrius grinned and put his phone over his ear.

Pabagsak na naupo si Valerian sa sofa, saka sinapo ang ulo. Please, God, keep the woman I love safe. Hindi ko kakayanin kung may mangyayaring masama sa kanya. I don't want to lose another person that I love so much!

"Ano'ng magagawa ko?" tanong ni Knight sa mahinang boses.

Tiningala niya ito. "Moral support."

Mahinang itong tumawa at ginulo ang buhok niya. "Gago."

Valerian chuckled. "Pareho lang tayong gago, huwag kang magmalinis."

"What the fuck ever." Ipinaikot ni Knight ang mga mata.

"Lander..." Si Ream 'yon. "Anong plate number ni Grace?"

Mabilis na sinabi ni Lander ang plate number. "Galing ang impormasyon na 'yan sa LTO."

"Good." Inulit ni Ream ang plate number. "That's the plate number, Director Montevo. Tawagan n'yo agad ako kapag may nasagap na impormasyon ang mga bata n'yo," he paused. "Thanks, Sir." Pinatay nito ang tawag, saka tumingin kay Andrius. "Ano na?"

"Dad is already deploying armies in every checkpoint area here in Manila. May mga sundalo rin siyang pinakilos para hanapin si Grace at ang sasakyan nito," wika ni Andrius.

"Shun, ano na?" kinakabahang tanong ni Valerian habang abala rin siya sa pag-contact sa kilala niyang detective. Naalala niya, may kaibigan si Grace na ang pangalan ay Tessmarie. Baka nandoon ang dalaga at kung wala man, baka alam nito kung saan nagtungo si Grace.

"Nakita ko na ang sasakyan ni Grace!" wika ni Shun.

Tumalon siya patayo mula sa kinauupuan, saka humarap sa monitor. "Nasaan?"

"Tsukamoto Pier," sagot ni Shun.

"Pier... pier... Tsukamoto..." Valerian chanted, saka mabilis na tumakbo palabas ng bahay at sumakay sa kotse niya.

Alam niya kung nasaan ang pier na 'yon.

Bago pa niya mapaharurot 'yon, mabilis nang nakasakay si Knight sa passenger seat.

Malakas na inapakan ni Valerian ang silinyador ng sasakyan, saka pinaharurot 'yon patungo sa Tsukamoto Pier. From his sideview mirror, he could see his friends' cars behind his.

Mas lalo pa niyang binilisan ang pagpapatakbo. Nang makarating sa pier, umuusok na ang harap ng sasakyan niya pero wala siyang pakialam doon. Mabilis siyang lumabas ng sasakyan at patakbong nilapitan ang pamilyar na sasakyan ni Grace na nakaparada sa isang garahe.