POSSESSIVE 11: Valerian Volkzki

CHAPTER 21

Valerian showed Shun his middle finger before stepping out from the house. Tinakbo niya ang pagitan n'on patungo sa bahay niya, saka agad na sumakay sa black sedan niya.

Mabilis siyang nakarating sa clinic ni Grace. Pero laking gulat niya nang makitang nakasara 'yon at naka-lock mula sa labas.

"What the fuck?"

Mabilis niyang binuhay muli ang makina ng sasakyan, saka pinaharurot 'yon patungo sa condo ng babae. Nang maiparada ang sasakyan sa labas ng gusali, malalaki ang hakbang niyang tinungo ang elevator at nagpahatid sa floor kung saan ang unit ni Grace.

Valerian was in haste as he jogged to the unit. Nang makarating do'n, pinanggigilan niya ang doorbell pero lumipas na ang ilang minuto, walang nagbubukas. Naiinis na pinihit niya ang doorknob pero naka-lock 'yon.

Fuck! Fuck! Where is she?!

Nakakaramdam na siya ng takot habang sakay sa elevator pababa. Nang tumigil iyon at bumukas, tumakbo siya patungo sa pinag-iiwanan palagi ni Grace sa aso nitong si Valerian.

And thank God iba na ang bantay roon.

"Is Valerian here?" agad niyang tanong. "Ang aso ni Grace Oquendo."

"Wait a minute, Sir," tugon ng nagbabantay, saka may tiningnan sa logbook at tumingala sa kanya. "Kinuha po niya ang aso niya kaninang mga ala-sais ng umaga."

Fuck! It's already nine-thirty AM!

Patakbo siyang umalis at tinungo ang sasakyan niya, saka parang nakikipagkarera sa sobrang bilis na bumalik sa Bachelor's Village.

Mariing ipinikit ni Valerian ang mga mata. Nararamdaman niyang nanginginig ang kamay niya. Umaatake na ang takot na baka may masamang nangyari kay Grace. He couldn't live with that. Siguradong mababaliw siya kapag may nangyaring masama sa babaeng mahal na mahal niya.

Dumeretso siya sa CCTV house, naroon pa rin si Shun. Nakita siguro nito ang nagpa-panic niyang mukha dahil mabilis itong tumayo at humarap sa kanya.

"What happened?" Shun asked.

Walang sali-salitang nilapitan niya ang emergency button na nakakonekta sa bahay nina Knight, Lander, Ream at Andrius, saka nagsalita sa intercom. "This is Valerian. CCTV house. Now," sabi niya.

"What the fuck, man?!" Napasigaw si Shun sa ginawa niya. "Ano ba'ng nangyayari?"

Humarap siya kay Shun. Isasantabi muna niya ang inis sa kalahi nito. He needed Shun Kim at the moment. Bumaling siya sa pinto ng CCTV house nang pumasok doon ang humahangos na sina Knight, Lander, Ream at Andrius.

"What is it, Val?" Agad siyang inakbayan ni Knight.

"Fuck it, what is happening?" Si Lander na hinihingal.

"Ano ba'ng nangyayari?" sabay na tanong nina Ream at Andrius.

Huminga siya nang malalim. "I need your help." I can't do this alone.

Napasipol si Andrius at ngumisi. "This is a miracle in the making. Si Valerian, humihingi ng tulong sa atin—"

"Nawawala si Grace," putol niya sa ibang sasabihin ni Andrius.

Sabay-sabay na nagmura sina Knight, Lander at Shun. Si Ream naman at si Andrius ay kunot ang noong nakatingin sa kanya.

"Sino si Grace?" sabay na tanong ng dalawa.

"Grace is the woman that I love," sabi niya, saka kinagat ang pang-ibabang labi nang maramdamang kinakain na ng takot ang buo niyang pagkatao.

"Okay. Ano'ng magagawa namin?" tanong ni Knight sa kanya.