Her Unwanted Love (Salvador Series #1)

Chapter 25

Chapter 25

"Love is never lost. If not reciprocated, it will flow back and soften and purify the heart."

- Washington Irving

***

"Anak," bumukas ang pintuan ng aking kwarto at sumilip roon si mommy. Bitbit niya si Gray na kinukusot ang mata nang nakanguso. Nang nakita niya ako ay binuka niya ang kanyang mga braso sa akin. "Ayaw matulog eh. Mommy nang mommy."

Nang kinuha ko si Gray mula sa kanyang lola ay agad itong umub-ob sa'king balikat. Hinaplos ko ang kanyang likod at hinalikan siya sa tuktok ng kanyang ulo. "Ganito talaga ito my, lalo na kapag pagod sa kakalaro." Sinayaw ko si Gray para makatulog na ito, alas diyes na rin ng gabi. Lumipas na ang antok nito kaya mahirap na itong patulugin ng kung sino lang. "Si Gale po?"

"Nakatulog na roon sa tabi ng daddy mo," napangiti ako saka tumango.

"Bibisitahin ko nalang po kayo doon sa guest room, my," ani ko't sinubukang iligpit sa isang kamay ang mga papeles na binabasa ko kanina. Nang hindi pa rin lumabas si mommy sa aking kwarto ay nilingon ko siya, umupo siya sa dulo ng aking kama at nakatitig lamang sa akin.

"B-Bakit po?" tanong ko.

"Hanggang kailan mo itatago ang kambal dito sa Cebu?"

Napakunot ang noo ko sa tanong ni mommy sa akin. Tinatago? "Hindi ko sila tinatago, mom. Dito na ang buhay namin," kalmado pa rin ang tono ng aking boses. Patuloy ako sa paghaplos sa likod ni Gray.

"Pinili mong dalhin dito ang buhay niyo dahil pinagtataguan mo siya," napailing ako kay mommy. How could she think that? Akala ko kampi siya sa akin. Akala ko ay tanggap niya ang desisyon kong ito.

"Pinagtataguan? All the while, iyan ang iniisip mo sa naging desisyon ko, my?"

"Ano pa nga ba ang ibang rason sa naging desisyon mo, Gremaica? Kung hindi iyon," sagot niya sa akin.

"I needed to find myself."

"And you found it, anak. Naging matagumpay ka. Naging CPA ka kagaya ng matagal mo ng gusto. You have Gale and Gray with you. But, are you really happy, Gremaica? Are you really happy of everything? Dahil ako, hindi. Ang nais ko para sa'yo ay isang kumpleto at masayang pamilya kagaya ng pamilya natin. You can't  deprive the twins of their own father. Hahanap-hanapin nila ang ama nila 'coz it is part of them."

"Bakit sila maghahanap ng ama kung kaya ko namang maging ama sa kanila, mom? I'm giving them everything now. I'm doing everything for them. Dugo't pawis ang inaalay ko sa kanila, hindi lang nila maramdaman na may kulang," pagrarason ko.

"But there's still that part of them who will yearn for a father. You know what, you need to reconsider things, Gremaica."

"I believe I don't have to, mom. Buo na ang desisyon ko."

"You are closing your doors," that was a statement and never a question.

"I am closing my doors for him," pinal kong sagot.

"Well, you'll understand my point once they ask you where their father is."

Iyon lamang at lumabas na si mommy sa aking kwarto. Ito ang hindi ko gusto kapag pumupunta si mommy sa bahay ko. Well, not that I don't like to have her here. Pero hindi ko lang gusto iyong kinu-kwestiyon niya ang mga desisyon ko.

Kung nais talaga ni Keaton na maging ama sa mga bata, he should have done everything he can para mahanap lamang kami ng mga anak niya. But where is he now? Sitting on the swivel chair at the top floor of his building. Napailing ako sa naisip at hiniga na si Gray sa'king kama. Mahina siyang humihilik, siguradong pagod ito sa grabeng paglalaro kanina.