Scroll down for Zawgyi.
Unicode
" ဒေါက် ဒေါက် ... "
တံခါးခေါက်သံက ခပ်စိပ်စိပ်။ပေါ်ယွီနှင့်စုန့်ရှီလင်တို့ တစ်ယောက်ကိုတစ်ယောက် ကြည့်လိုက်မိကြသည်။ပေါ်ယွီက အသံကို မြှင့်မေးလိုက်၏။
" ဘယ်သူလဲ ? "" ...... ငါ မင်းအမေ "
အနီရောင် ငါးမြှီးဂါ၀န်ရှည်ကို ၀တ်ဆင်ထားသော ချင်ရှန်းက တံခါး၀တွင် ရပ်နေသည်။သူမက လှပသိမ်မွေ့ကာ ရွှန်းလဲ့နေသည့် မိတ်ကပ်မျိုးကို လိမ်းခြယ်ထားသည်။ဆံနွယ်တွေကို ဦးခေါင်းအနောက်၌ ကျစ်ဆံမြှီးအဖြစ် ထုံးဖွဲ့လိုက်သည်က သူမအား နှစ်လိုဖွယ် တည်ငြိမ်ရင့်ကျက်သွားစေသည်။စုန့်ရှီလင်က တံခါးဖွင့်ပေး၍ တလေးတစား နှုတ်ဆက်လိုက်သည်။
" အန်တီချင် "ချင်ရှန်းက ခေါင်းညိတ် အသိအမှတ်ပြုသည်။
" အန်တီ ပေါ်ယွီနဲ့ စကားပြောချင်တာလေးရှိတာ။ မင်း ခဏလောက် ရှောင်ပေးပါ့လား။ ကျေးဇူးတင်ပါတယ် "အခန်းထဲကနေ ကြားလိုက်သည့် ပေါ်ယွီက မျက်မှောင်ကြုတ်သည်။
" ကျွန်တော်တို့မှာ သီးသန့်စကားပြောရမယ့်ကိစ္စမှ မရှိဘဲကို။ သူက ဘာလို့ ရှောင်ပေးရမှာလဲ ? "စုန့်ရှီလင်က ချင်ရှန်း အခန်းထဲဝင်လာနိုင်ရန် ဘေးကပ်ရပ်ပေးသည်။ထို့နောက် တံခါးပိတ်ပေးပြီး အပြင်ထွက်သွားပေးခဲ့သည်။
ချင်ရှန်းက အထဲသို့ ခြေလှမ်းသွက်သွက် လျှောက်လာသည်။မြေပိုင်ရှင်အဘိုးကြီးနှယ် ၀တ်စားထားသော ပေါ်ယွီ့ကို စောင်းငဲ့ကြည့်လျက် ရက်ရက်စက်စက် လှောင်ပြောင်လိုက်သည်။
" မင်းအ၀တ်တွေ ရုပ်ဆိုးတာများ လွန်ရော "ချီရှန်းဟာ လောလောလတ်လတ်တင် စုန့်ရှီလင်အမေနှင့် ၀မ်းမြောက်၀မ်းသာ စကားစမြည်ပြောခဲ့ခြင်းဖြစ်သည်။အမေနှစ်ယောက် စကားပြောကြသည်ဖြစ်ရာ ကိုယ့်သားအကြောင်းကိုယ် အပြိုင်အဆိုင် အမွှန်းတင် ကြွားလုံးထုတ်တော့သည်။လေသံတွေကအစ မီးပွားစင်မတတ် အားမာန်တက်ကြွနေသည်။
ESTÁS LEYENDO
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...