Scroll down for Zawgyi.
Unicode
မော့ယန်က မော့အန်းယွီကို ကြည့်ကာ ပေါ်ယွီနဲ့ ပတ်သတ်ပြီး သူ့ညီငယ်လေးရဲ့ အစွဲအလမ်းကို သိသည်။ဒါကြောင့် သူက မော့အန်းယွီကို ဖျောင်းဖျမနေတော့ဘဲ ပြောလိုက်သည်။
" မင်း အခုတလော လုပ်နေတာတွေကို တခြားလူတွေဆီက ကြားပြီးပြီ။ အမေက ပေါ်ယွီကို စုံစမ်းနေတယ် "အစက ဂရုမစိုက်ဘဲနေ,နေတဲ့ မော့အန်းယွီဟာ ချက်ချင်းလက်ငင်းပဲ တုန်လှုပ်သွားပြီး သူ့ရဲ့မျက်လုံးသူငယ်အိမ်တွေပါ ကျုံ့၀င်သွားလေသည်။ " ဘာကိုလဲ ? "
" မင်း မင်းကိုယ်မင်းသာ ပြန်မေးသင့်တယ်။ ရှောင်ယွီ , အဆုံးသတ်ဖို့ လိုအပ်နေတဲ့ တချို့ကိစ္စတွေဆိုတာ ရှိတယ် " မော့ယန်က အဓိပ္ပါယ်နှစ်ခွထွက်တဲ့ စကားမျိုးနဲ့ ပြန်ဖြေလိုက်သည်။
မော့အန်းယွီ လှောင်ပြောင်ခနဲ့လိုက်လေသည်။ " သူကလွဲရင် ကျွန်တော့်အတွက် ဘယ်ကိစ္စကမှ အရေးမကြီးဘူး။ အစ်ကိုကြီး , ကုမ္ပဏီရဲ့ နှစ်ပတ်လည်ပါတီပွဲရော ဘယ်လိုလဲ ? "
မော့ယန် မျက်မှောင်ကြုတ်ကာ အချိန်အကြာကြီးနေမှ ပေါ့ပေါ့ပါးပါးနဲ့ ပြန်ပြောလိုက်သည်။ " ပေါ်ယွီ ဒီညနေခင်းမှာ ရောက်လာအောင် ငါ ညွှန်ကြားထားပြီးပြီ "
မော့အန်းယွီမှာ အလွန်အမင်း ပျော်ရွှင်သွားတော့သည်။ " ကျေးဇူးတင်ပါတယ် , အစ်ကိုကြီး ! "
" ဒီတစ်ခါပဲနော် " မော့ယန် သက်ပြင်းတစ်ချက်ချကာ မတ်တပ်ရပ်လိုက်ပြီး သူ့ရဲ့ suit jacket ကို ကြယ်သီးတပ်ရင်း ပြောလိုက်သည်။ " ငါ့မှာ အစည်းအဝေးရှိသေးတယ်။ နောင်ကျရင် မင်း အမေနဲ့ စကားကောင်းကောင်း ပြောလိုက်ကြဦး။ ကိစ္စတွေကို ပိုဆိုးအောင် မလုပ်နဲ့ "
မော့အန်းယွီ ခေါင်းငြိမ့်ပြလိုက်သည်။မော့ယန် ရုံးခန်းထဲကနေ ထွက်သွားပြီးတဲ့နောက် မော့အန်းယွီ ဖုန်းကို ထုတ်လိုက်သည်။
မော့မေမေဟာ သူမရှေ့က ဖိုင်တွဲတစ်ခုနဲ့အတူ ဆိုဖာပေါ်မှာ ထိုင်နေသည်။သူမ ဖိုင်ကို ဖွင့်ကြည့်တော့မယ့်အချိန်မှာ သူမရဲ့အငယ်ဆုံး သားလေးက သူမဆီကို ဖုန်းခေါ်လာခဲ့သည်။သူမ အရမ်းကို ပျော်ရွှင်သွားပြီး ချက်ချင်းပဲ ဖိုက်ဖွင့်ဖတ်ဖို့ကိစ္စကို ဘေးဖယ်ထားလိုက်တော့သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
רומנטיקהOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...