Scroll down for Zawgyi.
Unicode
ပေါ်ယွီ အချိန်အကြာကြီး နှစ်နှစ်ခြိုက်ခြိုက် အိပ်ပျော်သွားခဲ့သည်။
စုန့်ရှီလင် တံခါးဖွင့်ပြီး အထဲ၀င်လာတဲ့အချိန်တွင် အူတူတူ မျက်နှာအမူအရာလေးနဲ့ ဖရဲသီးလေးက ပေါ်ယွီရဲ့ရင်ဘတ်ပေါ်မှာ မျက်လုံးလေးတွေ ဖွင့်လျက်သား လှဲလျောင်းနေတာကို တွေ့လိုက်ရသည်။သူ အကူအညီမဲ့စွာနဲ့ မျက်မှောင်ကြုတ်လိုက်မိကာ ကလေးကို ဖယ်ဖို့အတွက် ရှေ့တိုးသွားလိုက်သည်။
နေမကောင်းဖြစ်နေတဲ့အချိန်မှာ ကလေးကို သူ့ရင်ဘတ်ပေါ် တက်အိပ်ဖို့ ဘယ်လိုများ ခွင့်ပြုထားနိုင်ရတာလဲကွာ ???
ဒါပေမယ့် စုန့်ရှီလင် သူ ဖရဲသီးလေးကို ပွေ့ချီလိုက်ချင်းမှာတင် ပေါ်ယွီ အိပ်ရာနိုးလာခဲ့သည်။အခန်းထဲတွင် စုန့်ရှီလင်ကို မြင်လိုက်ရတဲ့အခါ ကောင်းကောင်းမွန်မွန် ပဋိသန္ဓာရစကားဆိုဖို့ ပေါ်ယွီ အရမ်းကို နွမ်းနယ်နုံးချည့်နေတာကြောင့် ရင်းနှီးဖော်ရွေစွာသာ ပြုံးပြလိုက်သည်။
စုန့်ရှီလင်က ပေါ်ယွီ သူ့ကို စကားမဆိုဘဲ ပြုံးရုံပြုံးပြလိုက်တာအား စိတ်ထဲ ဘယ်လိုမှမအောက်မေ့ဘဲ ဆိုဖာပေါ် ထိုင်ကာ ပြောလိုက်သည်။ " မင်း ဘယ်လိုနေသေးလဲ ??? "
စောင်အောက်က ပေါ်ယွီ့လက်တွေဟာ သူ့ဗိုက်လေးပေါ်ကို ဖြည်းညင်းစွာ အုပ်ကိုင်လိုက်ပြီး သူ့ရဲ့တည်ငြိမ်အေးဆေးဟန်ကိုတော့ ထိန်းသိမ်းထားသည်။ " အများကြီး ပိုကောင်းလာပါပြီ "
" မင်း ဘာရောဂါလဲ ??? " စုန့်ရှီလင် ဆက်မေးလိုက်သည်။
ပေါ်ယွီက သူ့နှုတ်ခမ်းတွေကို တွန့်ကွေးစေလိုက်ပြီး အချိန်အတော်ကြာမှ ပြန်ဖြေလာသည်။ " အဖျားရောဂါဟောင်းပါ။ ဒါနဲ့ ကိစ္စတွေအကုန်လုံး ဖြေရှင်းပြီးသွားပြီလား ??? "
အဖျားရောဂါဟောင်း ??? ဘယ်လိုအဖျားရောဂါမျိုးမို့လို့ သူ့ကို ကြမ်းပြင်တစ်ခုလုံး နီရဲသွားအောင် သွေးတွေ ထွက်စေရတာလဲ !!!
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
רומנטיקהOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...