سراج الثُريا

السرج الثالث والعشرون

﷽
السرج الثالث والعشرون «خِطه بديلة»
#سراج_الثريا
❈-❈-❈
بعد مرور أسبوعين
صباحً بمنزل نجيه
فتحت باب المنزل للطارق وأخذت من ذاك الشخص ذاك المُغلف المُرسل بإسم "ممدوح"
أغلقت الباب يدها ترتعش بشعور مُريب،عن ماذا بذاك المُغلف يخُص ممدوح... رفعت نظرها عن المُغلف حين سمعت صوت ممدوح الذي خرج من غرفته يتثائب قائلًا:
صباح الخير يا أمي مين اللى كان بيخبط على باب الدار.

بيد مُرتعشه رفعت ذاك المُغلف قائله:
ده واحد عطاني الظرف  ده وجال إنه لك.

ضيق ممدوح عينيه وأخذ من يدها المُغلف قائلًا:
فى إيه الظرف ده؟.
... لوهله خفق قلبه بيأس حين أخذ منها المُغلف  ورأي مطبوع عليه شعار خاص بإحد المدارس الخاصه، توقع أن يكون كالمعتاد إعتذار منهم لعدم إجتيازُه فى إختبارات قبول التعيين لديهم،لكن بقايا أمل بداخله جعلته يفتح ذاك المُغلف،وقرأ تلك الورقه المُرفقه بالمُغلف،إندهش وعاود مرارًا قراءة تلك الورقه عن تأكيد،سُرعان ما إنشرح قلبه وإبتسم ، وإقترب من نجيه وقبل يدها قائلًا:
أخيرًا يا أمى، ربنا إستجاب لدعواتك.

على فرحته إنشرح قلب نجيه وزالت الريبة وضعت يدها على رأسه بحنان سائله:
إيه اللى فى الظرف ده بسطك أوي كده.

قبل يدها مره أخرى قائلًا:
ده جواب قبول إنى أشتغل مُدرس فى  مدرسة خاصه إنترناشينونال ولها فروع فى مصر كلها،
أخيرًا يا أمى  هيبجي لي قيمة وأنا بدرس للطُلاب فى المدرسة هشتغل بالمؤهل بتاعي وفى المهنه اللى طول عمري بحلم بها.

زاد أنشراح قلبها وهي تضمه بحنان تدمع عينيها لفرحته هكذا،ربتت على ظهره بأمومه.

رفع وجهه وقبل رأسها مره ومرات،قائلًا:
بعد كده مش هضطر أشتغل صبي فى القهوة هأجرها،لاء هسيبها نهائي.

إبتسمت له قائله:
إنت قيمتك عاليه يا ولدي
وعقبال ما أفرح بجوازك يارب.

قبل يديها قائلًا:
هيحصل يا أمي، بس واحدة واحدة كده، دلوقتي هيبقى ليا مقام عالي
مُدرس مش صبي قهوجي.

وضعت يدها فوق كتفه قائله:
ربنا يعلى من مجامك ياولدي ويحقق لك كل أمانيك إنت وأختك يارب.

بعد قليل
خرج ممدوح من المنزل بزي مُنمق،وذهب نحو محل البقاله إبتسم يُلقي الصباح:
صباح الخير يا عم فتحي.

أجابه فتحي ببسمه سائلًا بفضول:
صباح الورد يا ممدوح متشيك كده ورايح فين دلوق.

وضع يديه يضم طرفي مِعطفه يُهندمه قائلًا:
باركلي يا عم فتحي أنا قبلت التعيين فى المدرسه الخاصة اللى كنت جولت لى عليها قدمت وروحت الإختبارات والحمد لله جالي جواب قبولي أشتغل هناك... ورايح المدرسه إدعيلي يسهلوا معايا فى إجراءات التعيين.

تبسم له فتحي بود قائلًا:
ربنا معاك يا ولدي ويرفع من شآنك إنت إبن حلال وتستاهل كل خير.