Rewrite the star (Complete)

part21🚨

Warming!!!!

       အတ္တက သူ့လက်ကို အလွတ်မ‌ေပးဘဲ တောက်လျှောက် ဆုပ်ကိုင်ထားသည်။အတ္တ တည်းခိုနေသော ဟိုတယ်အခန်းထဲ ရောက်သည်အထိ လက်တွဲမဖြုတ်။အခန်းထဲရောက်တော့ အခန်းတံခါး ပိတ်လိုက်ပြီးနောက် အတ္တက သူ့ကိုတင်းကျပ်စွာ လှည့်ဖက်လိုက်သည်။ခန္ဓာကိုယ်‌ေသး‌ေသး‌ေလးက အတ္တ ရင်ခွင်အကျယ်ကြီးထဲ နှစ်မြုပ်သွားသည်။အတ္တက နှုတ်မှလည်း တောင်းပန်စကားကို အလီလီပြောနေသည်။

"‌ငါတောင်းပန်ပါတယ်။မင်းကိုငါချက်ချင်းမမှတ်မိခဲ့လို့ငါတောင်းပန်ပါတယ်ကွာ"

       အတ္တကို ပြန်ပွေ့ဖက်ပေးလိုက်ပြီး

"ငါကသာတောင်းပန်ရမှာ..မင်းကိုချစ်နေရက်နဲ့အဲနေ့ကငါလိမ်ခဲ့မိတယ်။မင်းကိုစိတ်ဒဏ်ရာပေးခဲ့မိတယ်"

           သူ့မျက်နှာက အတ္တ ရင်ခွင်နှင့်တည့်တည့်ဖြစ်နေတော့ နားကို အတ္တ ရင်ဘတ်အနားပိုကပ်လိုက်ပြီး တဒိန်းဒိန်းခုန်နေသော နှလုံးသားခုန်ကို လိုက်နားထောင်မိနေသည်။အတ္တ နှလုံးခုန်သံ မြန်လွန်းနေသည်။အတ္တပျော်နေသလို စိတ်လှုပ်ရှားနေပုံရသည်။ကိုယ်ငွေ့နွေးနွေးက heater မဖွင့်ထားသောအခန်းထဲတွင် သူ့ကိုနွေးထွေးစေခဲ့သည်။အတ္တခန္ဓာကိုယ်ကို ဖက်ဖြဲဖက်ထားလျက် သူ့စိတ်ထဲ တဖွဖွပြောနေမိတာက

        ငါတို့ဘယ်ရထားမှာပဲ လွဲခဲ့လွဲခဲ့ မှီတဲ့ရထားက‌နေ ငါ့ဆီ ဆိုက်ဆိုက်မြိုက်မြိုက် ပြန်ရောက်လာပေးလို့ ကျေးဇူးတင်ပါတယ်..ငါသိပ်ချစ်ရတဲ့တနဂ်နွေနာမ်လေးရယ်..ကျေးဇူတင်ပါတယ်

       မျက်ဝန်းတွင် မျက်ရည်များ ပြည့်အိုင်လာသည်။ဝမ်းသာမျက်ရည်များက ကျလို့မကုန်နိုင်အောင် များပြားနေသည်။အတ္တက ဖက်ထားရာမှ လွှတ်ပေးလိုက်သည်။သူ့မျက်ဝန်းတွင် မျက်ရည်များပြည့်နေသည်ကို မြင်တော့ အတ္တ၏ အကြည့်တို့သည် စိုးရိမ်သည့် အကြည့်များအဖြစ်ပြောင်းလဲသွားသည်။

"ဘာဖြစ်လို့ငိုနေတာလဲဗျာ"

"ပျော်လွန်းလို့"

       အတ္တက မျက်ခုံးပေါ်ဝဲကျနေသော ဆံနွယ်ကောက်ကောက်လေးတွေကို နဖူအပေါ် သပ်တင်ပေးလိုက်ပြီး နဖူးအပေါ် အနမ်းလေးတစ်ပွင့်ခြွေလိုက်သည်။