Rewrite the star (Complete)

part18

           တက်တူးဆိုင်တစ်ဆိုင်ကိုရောက်နေသည်။ကိုယ်တိုင်က တက်တူးထိုးရမှာ ကြောက်တတ်သူဖြစ်သည်။သို့သော် ချစ်ရပါသော တနဂ်နွေနာမ်အမျိုးသားလေးကတော့ တက်တူးကို အရူးအမူးနှစ်သက်သူဖြစ်သည်။အခုလို တက်တူးထိုးဖြစ်မည်ဟု ဘယ်တုန်းကမှမထင်ခဲ့ပါ။အတ္တကို ကိုယ်စားပြုသော တက်တူးထိုးချင်နေတာ တစ်ပတ်လောက်ရှိခဲ့ပြီဖြစ်သည်။မင်ယောင်းမအားသဖြင့် တက်တူးဆိုင်ကိုမရောက်ဖြစ်။အခုညဘက် မင်ယောင်းအားမှ တက်တူးဆိုင်ကိုလာဖြစ်သည်။
          တက်တူးဆိုင်က ဆိုလ်းမြို့၏ ချောင်ကျကျ ဆင်ခြေဖုန်းရပ်ကွက်တစ်ခုတွင်ရှိသည်။မင်ယောင်းတက်တူးသွားထိုးနေကျ ဆိုင်ဖြစ်သည်။တက်တူးဆိုင်ကိုရောက်တော့ တက်တူးဆရာက ခပ်ငယ်ငယ်ကောင်လေးတစ်ယောက်ဖြစ်သည်။အထက်တန်းကျောင်းသားအရွယ်လေးဖြစ်ကာ သူ့ထက်ငယ်မည့်ပုံ။မင်ယောင်းနဲ့သူ ဆိုင်ထဲဝင်လာတာကို မြင်တော့ တက်တူးဆရာကောင်လေးက

"Hyung!!ရောက်လာပြီလား"

"ဒီတစ်ခါတော့ငါ့သူငယ်ချင်း"

           မင်‌ယောင်းက သူ့ပုခုံးကို ပုတ်လိုက်ပြီး တက်တူးဆရာကောင်လေးကို ပြောလိုက်သည်။မင်ယောင်းကို အစ်ကိုလို့ ခေါ်နေပုံထောက်ရင် သေချာပေါက်သူတို့ထက် အသက်ငယ်လိမ့်မည်။တစ်ကိုယ်လုံးလည်း တက်တူးတွေအပြည့်နှင့်။ခပ်ဆိုးဆိုးကောင်လေးတစ်ယောက်ပုံစံ။တက်တူးတွေကို မြင်ရတော့လည်း တက်တူးခရေဇီ တစ်စုံတစ်အတ္တကို သတိရသွားပြန်သည်။အတ္တက ကျောင်းသားဘဝမှာကတည်းက တက်တူးကိုနှစ်သက်သူဖြစ်ပြီး တက်တူးတွေခိုးထိုးတတ်သေးသည်။

"Sky..အီဂျွန်းကိုမင်းထိုးချင်တဲ့တက်တူးပုံပြလိုက်လေ"

            အတ္တအကြောင်းတွေးနေလို့ တက်တူးပုံပြဖို့ပင်မေ့နေသည်။ဖုန်းထုတ်လိုက်ပြီး ဖုန်းထဲက ပုံတစ်ပုံကိုပြလိုက်သည်။သူထိုးချင်သော တက်တူးမှာ Hibiscus flowerပုံဖြစ်သည်။
        ခေါင်ရမ်းပန်းနှင့် ပတ်သက်ပြီး နိုင်ငံများ၏ အယူအဆမတူညီကြ‌ပါ။တောင်ကိုရီးယားနိုင်ငံတွင် hibiscus Syracus (ခေါင်ရမ်းပန်းခရမ်းရောင်)သည် Korean roseဟု လူသိများပြီး နိုင်ငံ၏ national flower ဖြစ်သည်။ပန်း၏အဓိပ္ပာယ်မှာ ထာဝရ သို့မဟုတ် မကုန်နိုင်လောက်အောင် များပြားသော ကြွယ်ဝမှုဖြစ်သည်။