ဖရဲသီးလေးက ပေါ်ယွီ့ရှေ့ဝယ် ပွတ်သီးပွတ်သပ် ချွဲနွဲ့ရဲ ၊ လူဆိုးလေးလုပ်ရဲသည့်တိုင် စုန့်ရှီလင်ကိုမူ မငြင်းဆန်၀ံ့ပါချေ။
ဖရဲသီးလေးက ပေါ်ယွီ့မျက်နှာကို ကိုင်လိုက်ရင်း မခွဲနိုင်မခွာရက် တိုးတိုးလေးဆိုသည်။
" ပါးပါး ၊ သား ပါးပါးနဲ့အတူတူ ပြန်လာကစားမှာကို စောင့်နေနော် "ပေါ်ယွီ ရုတ်တရက် ကိစ္စတစ်ခုကို ပြေးသတိရသွားသည်။
" အရုပ်တွေကို သူငယ်ချင်းတွေဆီ လက်ဆောင်ပေးဖို့ သယ်သွားဦး "ပေါ်ယွီ့ပါးပြင်ကို ချစ်စနိုး ပွတ်သတ်နေသော ဖရဲသီးလေးရဲ့လက်လေးက တိခနဲ ရပ်တန့်သွားခဲ့သည်။ကလေးလေးက စိတ်ဆိုးမာန်ဆိုး ထရပ်ကာ ပြေးထွက်သွား၏။
ပါးပါးက ဒါချည်း ပြော !ပါးပါးက သူ့ကို ပစ်ထားရုံတင်မကဘူး သူ့အရုပ်တွေကိုပါ တခြားလူတွေဆီ ပေးပစ်ခိုင်းနေတယ် !
ပါးပါး လူဆိုး !
နောက်ဆုံး ဖရဲသီးလေး ထွက်သွားမှ ပေါ်ယွီတစ်ယောက် စိတ်သက်သာရာရစွာ သက်ပြင်းချလျက် စုန့်ရှီလင်ထံ လက်ဝေ့ယမ်းပြသည်။
" ငါ့ရဲ့ခါးလေး နာနေပြီ။ လာနှိပ်ပေးပါဦး "စုန့်ရှီလင်က ပေါ်ယွီ့အနား လျှောက်လာလို့ ခုတင်အစွန်းမှာ ၀င်ထိုင်သည်။စုန့်ရှီလင် တစ်ခွန်းမျှ မဟရသေးမီ ၊ ရုတ်ခြည်းဆိုသလို ပေါ်ယွီ့ဆီက ဆွဲချခံလိုက်ရသည်။ပေါ်ယွီက သူ့အား အိပ်ရာထက်၀ယ် ဖိချုပ်ထားခြင်း။
စုန့်ရှီလင် : " ........ "
" မနက်စာစား "
စုန့်ရှီလင်က ထထိုင်ရန် ပြင်သည်။
" စားပြီးရင် ကိုယ် မင်းကို နှိပ်ပေးမယ် "ပေါ်ယွီက လက်မခံ။စောင်ကို လှပ်၍ သူတို့နှစ်ယောက်လုံးအပေါ်သို့ လွှမ်းခြုံချလိုက်သည်။အတုအပ လုပ်ကြံထားသော အမှောင်ထုအောက်တွင် ပေါ်ယွီ စုန့်ရှီလင်မျက်နှာနားသို့ တိုးကပ်သွားပြီး စုန့်ရှီလင်ပါးကို ဖျစ်ညှစ်ပစ်လိုက်၏။ပေါ်ယွီက အသည်းတယားယား အံတကြိတ်ကြိတ် မေးသည်။
" မင်း ဘယ်သူ့ကို ခြင်လို့ ခေါ်လိုက်တာတုန်း ??? "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၂၈(ခြင်များ)
Start from the beginning