كان يلمعُ في عينيها
صوتُ القطار
الذي سيدّهسني..
أخذت نفس من الجگارة قبل ما أطفيها وأطلع من السيارة واتبع خطوات راسيل لداخل البيت، قليل أدخن بس اذا دخنت يعني مزاجي مو تمام نهائي، او ادخن بسبب ملل!
هل المرة انزعاجي لوضع لمى يفوق التصور، جلوسها الهادئ طول ما أحنة ناكل خلاني اقلق
حتى من كانت تحب أزل هي الي تحاول تبدي حوارات، وتفتعل المشاكل حتى بس تخلي أزل تحجي.
ع عكس ما صار قبل سويعات نظراتها، اغلب وقتها خلصتة على التلفون حتى ما تحتك بـ اريم
استغرب شلون همة لهسة عايشين سوة!
واستغرابي أكبر من تعامل اريم وياي وتتحاشة كلامنة سوة، لدرجة حتى م كدرت اسألها شنو صاير بينها وبين لمى.
ـ ماما تأخرتي
قطع هل الصوت كُل افكاري، باوعت لـ راسيل وهي تجلس بجانب أيهم الي باوع الي وكتف ادية بزعل وكمل كلامة قبل م تنطق الي بجانبة شي
ـ وين السيارة!
ابتسمت
ـ غير أخذك وياي حتى نچيب وحدة على ذوقك.
ـ صح ماما لازم تروح ويـ يَسار وتختار انت
باوعت لـ راسيل وبودي ابوسها لان غيرت نظرات ايهم وتحولت ملامح وجهة لـ ابتسامة
تقربت وجلست بجانب راسيل الي بالاساس م أكو مكان لطريقة نوم أيهم فـ رفعت من نفسها وتقريبا صارت بحضني
ـ يَسارر أيهم موجود
همست بعد ما تسللت ايدي لخصرها
ـ أيهم حبيبي وين أزل!
حجيت مقاطعة لكلامة الي جان متحمس وهو يحجي
ـ نامت هي حتى ما لعبت وياي
نطق بخيية امل ابتسمت لحركة ايد راسيل الي حضنت وجهة وباست خدة
ـ باجر نلعب اني وياك و ماما هسه تأخر الوقت لازم تنام حتى تكعد الصبح ونروح نشتري سيارة وراها نلعب وهم ماما تعبانة من الشغل تريد تنام
باوع لـ ارسيل بالمقابل هي هزت راسها موافقة لكلامي ابتسمت وهي ترجع شعرة للخلف بحركة دائما تسويها الة
ـ تعالي ماما نامي وياي
همس قلبت عيوني بملل احبة بس مو هيج.
ـ هو يصير أكرهة!
همست اني مما خلة راسيل تباوعلي بحدة
ـ عيدي كلامج!!
ـ خطية نامي ويا
أيهم حبيبي انتَ بطل عيب تخلي ماما تنام وياك
ـ بس اليوم
ـ تمام ماما حبيبي أنام يمك، استاذة يَسار عندج اعتراض شي؟!
هزيت راسي بـ لا ووقفت هي أخذت بأيد ايهم وقبل م تخطي خطوة قربت مني لحد الي صار وجها برقبتي مما جعل من نبضات گلبي وگلبي بأيدها همست
ـ نوم العوافي حبيبي
وقبل ما تبتعد اخذت شي من الجاكيت باوعت لايدها من ابتعدت
ـ شدخل التلفون!
أنت تقرأ
مَـــزاد "مـثلـية"
Action« هذهِ أُمنياتي التي باتت ثامِنُ المُستحيلات » تمنيتُ ان أُكمِل معكِ رحلتي في هذهِ الحياة ان نتجاوز العَثرات سويًا ان أُشارككِ مَسراتي واحزاني وأُقاسِمُكِ ضحكاتي وهمومي وليالي الأرق والأيام الممطرة تمنيتُ أصغر الأشياء وأَبسطها لأن سعادتي كان...
