هذا الشُح الذي تراه الآن، ثمن إسرافي في المكانِ الخاطئ .
قبل م تقرون البارت تشوفون يَسار مع اريم او راسيل افضل كـ علاقة؟!
وبالمناسبة اعتذر عن الي داكتبة هل الفترة لان احسة جاف بدون مشاعر بس احاول م انقطع.
كونوا بخير دائمًا.
باوعت بندم لـ راسيل الي كانت متجاهلتني طول اليوم رجعت نظراتي لـ ايهم الي كمل علاجة
واكدر اكول انتهى سبب تواجدنا هنا
كانت فرحة راسيل بعيونها
حركاتها، حضنها لـ ايهم تجبرني اتأملها للحظة تمنيت اكدر اتأمل اريم واشوف فرحتها وطفوليتها
استمر الوضع ثلاث ايام كان كليوم يزيد تجاهل راسيل الي تجاملني بوجود ايهم
صرت اسوي المثل واتجاهلها
ايهم الي صار احسن من قبل ورغم زعل راسيل مني بس كانت فرحتها ما توسعها الهند بكبرها
تواصلي بـ اريم ما انقطع وكذالك بـ هِتان كنت اتواصل وياها بين فترة وفترة بخصوص الشغل كنت بكل مرة ويـ راسيل احس بغيرة هِتان
8:00 ليلاً
شلت ايهم الي نام بالطيارة ابتسمت للسايق الي استقبلنا اول ما نزلنا من السيارة
ـ لا عوفة بس اخذ الجنطة من المدام
حجيت واني اتوجهة للسيارة الي كان بيها ثائر ينتظرنا
ـ مرحبا استاذ
ـ هلا بنتي الحمدالله على السلامة
نطق وكانت عيونة على الي كان نايم بحضني جلست مقابيلة اتبعتني راسيل اخذت نفس وغيرت اتجاه نظراتي من احضانها وقبلاتها لـ ثائر للوجهة ايهم الهادئ
كنت احسب الدقايق حتى اطلع من جو السيارة وسوالفهم مع بعض
وشوقي حتى اشوف أريم مصبرني اجلس بيناتهم
كانت فكرة هي تسوي روتينها واغلب وقتها بغرفتي فكرة مطمئنة
رغم داحاول ابعدها عن تفكيري كانت تزداد بتواجدها داخل قلبي، ورغم معرفتي مستحيل تربطنة علاقة بس كانت الفكرة لذيذة راح اكدر اشوفها بأي وقت اريد
ـ شلون وضع الشغل ويـ هِتان!
رفعت عيوني لـ ثائر ورجعت باوعت للعيون الي كانت علية بالاساس
ـ طبيعي باجر ارتاح ورالي ورا اروح ويومين وارجع
حجيت بعد ما رجعت نظري لملامح ايهم الي واضح بدة يكعد
ـ جيد، حاجيت هِتان راح تعرفج على مدير وحدة من الشركات هل الفتره لازم تتعاونين وياهم
هزيت راسي بدون رد ابتسمت للي بحضني اول م فتح عيونة
ـ صح النوم يبطل
ـ وصلنا ! وين ماما
ـ شوية وبعد نوصل البيت هذي ماما وعمو ثائر
وجهة نظرة للـ راسيل والي بجانبها ركزت على كلمة عمو مما خلة ثائر يغير نظراتة لـ ايهم بعد ما كان يباوع على راسيل ويحجي وياها
تحول من حضني وكعد بين ثائر وراسيل
عائلة متكاملة كان وجودي شاذ بينهم وما كان الة اي اثر، عدد زائد
