ندسُّ في وجهِ كُلُّ البدايات وداعًا مؤجل .
بعد ايدية عنة بهدوء رجعت لورة واني اخذ نفس حسيت گلبي ما ينبض فركت عيوني بأهمال بعد ما صرت اشوف بتغويش كأنوا احد غمض عيوني
صوت بعيد ناعم يحاول يكعدني رجعت صار صوت خشن قرفت منة تمنيتة ما صار هيج
رجع الصوت الناعم يصيح بأسمي بهدوء حسيت بطبطبة ع خدي ثواني شهكت من المي البارد الي انتشر بلطف ع وجهي.
شهكت من برودة المي واني افتح عيوني رجعت غمضتهن من الضوة القوي
ـ يِسار ابقي وياي
صوت الناعم نفسة تذكرت النبرة حتى فتحت عيوني بقرف حاولت اكوم من! الغرفة!! الي جانت مثل غرفتي القديمة او مثل ما جنت اريد واني صغيرة
لو اسود بكل مكان
تجاهلت تفكيري من باوعت للشخص القريب والكاعد كدامي الي شايل بأيدة جهاز قياس ضغط الدم
ـ بعدي اريد اكوم اكمل كلامي وي رجلج النذل
قلت واني اتذكر اخر لحضات قبل ما اوگع عيونها ما نشالت عني ونظرات الاستغراب واضحة
بعدت الجهاز واني وقفت وقبل ما اخطو خطوة دخل
باوع الي ورجعت بسرعة نظرات وابتسامتة الباردة ع وجههة
ـ وطلعتي قوية تعجبيني نفس امج
ـ ما اجيت احجي حجي فارغ وياك، الشركة ترجعها وما تفكر بيها فهمت
حجيت واحس عيوني رجعت تشوش ما اشوف بوضوح اقترب هو مزامنة وي زوجتة الي كامت اخذت الكوب الي انتبهت شايلة بأيدية
ورجعت اقتربت مني متجاهلة كلامي والوضع
ـ شربي شوي حتى ضغطج يصير أحسن
باوعت الها ومشيت كم خطوة حتى اتجاوزها
رجعت باوعت لل شخص الي مبتسم
ـ ارجعها بشروطي
غمضت عيوني واني ارجع بجسمي للكائن الوراي اخذت الكوب م فكرت بمحتوا شنو بسرعة شرربتة حتى اكدر اوكف ابتسمت وابتسم رجلها هم
ـ تعالي جوة نتفاهم
طلع من الغرفة وكم خطوة ورا حتى توقفت من صاحت بأسمي ما باوعت الها بس انتظرت تحجي الي عدها
ـ ضغط هابت عوفي هل النقاش لغير يوم ولازم تاكلين لان حيل هابط
قبل ما تكمل كلامها طلعت من الغرفة باوعت للمكان انتبهت للدرج رحت الة بخطوات صعبة
نزلت واني ادعي اطلع من هل المكان بخير بعد ما حسيت البيت يفتر بية
جان كاعد رجل ع رجل وهو يشرب شئ ما ميزت شنو بس الاكيد شي وصخ مثلة
وغير عن الصالة الي كعدت بيها انتظرة جانت اوسع والوان مختلفة عنها
رحت كعدت كدامة، وانتظرتة يحجي نظراتي ما انقطعت عنة وهو ينزل الكأس من ايدة
ورفع نظراتة الى وهو يرفع حواجبة حتى تبين تجاعيد وجهة أكثر
ـ الغرفة الي جنتي بيها الج
ما رديت وانتظرتة يكمل كلامة وجان كل كلمة يحجيها تلعب نفسي منة
ـ واختج هم غرفتها بصف غرفتج، تجين تكعدين هنا الشركة ترجع الج وحتى املاكي والشركة على الميناء ب البصرة اريد هم تشتغلين بيها ف اريد تصيرين قريبة علية
ـ ما اشتغل وي نذل مثلك فهمت وحلم هذا اكعد وياك بنفس البيت
ابتسم وجسيت وره ابتسامتة شي جبير ما خفت بس توترت لان اعرف بي شنو يكدر يسوي
وياريت ما يفكرر بي ويسوي قطع افكاري
ـ البيت وكل الاملاك الي بأسم الشركة تصير الي ف ب الحالتين راح تجين يمي
ـ شنو راح تستفاد من هذا، 10 سنوات وانت بعيد عنة 10 سنوات وانت عايش بدونة شنو راح تفرق!؟ 10 سنوات ما فكرت تسأل شلون عشنا بس تاخذ فلوسك الي اني اتعب عليهن والي من الاساس جانن من ماما، 10 سنوات وبكل يوم أزل منتظرة كلمة منك شنو تريد هسة شنو تستفاد!!!
باوعت الة واني لازمة دموعي لاول مره حسيت بضعف رجع بجسمة لورة حتى بان كبر بطنة
ـ استفاد بنتي، وشخص مأمن بي وشاطر ب كُلشي
اعرف بيج شكد تشتغلين بحرص ف اريد شركتي يديرها شخص حريص مثلج
ال10 سنوات الي تحجين عنهن راحن وعرفت بنتي شكد شاطرة بشغلها
نظراتي ما ابتعدن عنة ما اطمنت للحظة من كلامة واعرف كل الي يسوي لمصلحتة شركاتة الي اتاجر بأنواع الممنوعات! يريديني اديرها ابتسمت الة للحظة
ـ اوك واني هم عندي شرط واحد بس
ـ موافق علية
حجة بسرعة وكأنو ما متوقع موافقتي بهل السهولة ابتسمت بداخلي لتفكيري الي راح يورطة ويرجع علية
ـ الشركة بس مالتي تبقى بأسمي اما املاكك حتى توكيل ما اريد منك ونص الربح الي وهم اعرفك تكدر اطلع هوية الي بس مو بأسمي م اريد احد يعرف اني بنتك
باوع الي حسيت بتوترة الي صار واضح ابتسمت الة وحسيت هل المرة اني الي راح العبها صح
والاكيد هيج بس جانت فكرة انو راح اشوفة كل يوم الصبح بوجهي مقززة
ـ يومين وتصير جاهزة
حجة وهو مبتسم تجاعيد خدة صارت مبتسمة ويا،
ـ تمام ارتب وضعي ونجي هنا
حجيت بشمئزاز ضحك وهو ياخذ كأس ثاني
ـ عفية بنيتي هسه اني مرتاح
ـ واني لعبانة نفسي منك
حجيت وقبل م اسمع ردة طلعت من البيت استقبلتني الحديقة الي اكبر من البيت زوجتة كانت كاعدة يم المسبح وواضح تريد تدخل المي
ما لابسة غير الشورت باوعت لمكان العامل بتلقائية لكتية يباوع عليها وهو يقلم ب الشجرة
انتبه الي رجع نظرة للشجرة بسرعة
ـ هذا العامل من اجي ما اريدة موجود يروح يشتغل بغير مكان
حجيت رفعت راسها بسرعة وابتسمت بعد ما جان اشوف بس ضهرها العاري صار جسمها الواضح كدامي صدرها الي ولا غلطة خصرها، شلون واقفت ع شخص بعمر ال50 التجاعيد مالية وجهها وبطنة منظرها ما مرغوب بس عندة فلوس ف اكيد تواقف
ـ اه يعني راح تسكنين هنا
ـ هذا شكلج من اكعد هنا تحترمين الي كاعدين وياج وتسترين نفسج ك**** يي بس ويانة تبلعين لسانج وحتى حجي وياي او وي اختي ما اريد تحتكين بينة فهمتي! وهاي اني حذرتج
