انا الغريق الذي في جوفه نار 🖤.
9:00ليلاً
غمضت عيوني بأنزعاج على صوت لمى عقد حواجبي
وقبل ما افكر بشي وشنو الي جابها هنا
توقعت من كد ما نمت اثار النوم خلتني اهلوس او داحلم
واكد الي احلم صوت أريم
ـ لمى كتلج خطية عوفيها نايمة
م ردت افتح عيوني حتى لا اكعد من النوم ويروح الحلم بس رجعني صوت لمى لي رجعت حجت
ـ هي اذا تكعد تصير احسن، فـ يَسار كعدي شنو هل النوم
فتحت عيوني بحذر ونظراتي متوجهة للصوت الي نطق قبل ثواني رطبت شفتي
من التقت نظراتنة كان وجهها شاحب نظراتها مليانة قلقة تردد بالاقتراب
ـ انتي هسة زينة؟! والله گلت لـ لمى تخليج نايمة لازم ترتاحين
ابتسمت ورجعت بجسمي للخلف
ـ لمى سوت الافضل من كعدتني، واني هسة تمام
نظراتي الي توزعت بين أريم ولمى الي انسحبت وتحاول تطلع من الغرفة نطقت قبل ما تطلع لمى وتورطني بكذبتها
ـ لمى وين؟!
باوعت الي ورغعت حواجبها
ـ شسمة محمد جوة فلازم م يبقة وحدة صح!!
هزيت راسي ورجعت نظراتي للواقفة والخجل كان واضح على ملامحها تذكرت اخر مرة شفتها وكلامها
انمحت ابتسامتي وغيرت نظرتي لنقطة مو مهمة بالغرفة
ـ كعدي لا تضلين واكفة
اقتربت وجلست كدامي ونطقت بتوتر
ـ خفت عليج انتبهي لـ اكلج واهتمي لصحتج ولا تضلين تشتغلين بدون اكل الشغل م راح يخلص
ـ همة دراما ولمى دراما اكثر
عقدت حواجبها ابتسمت على شكلها اللطيف
ـ الي يخاف عليج يصير دراما؟! شلون تفكرين انتِ
اخذت نفس بعد ما سمحت حدة صوتها
نظراتها كانت ثابتة الي مما خلا گلبي يدخل سباق وي اجزاء الثواني الي سكتتها ما اعرف اذا اشكر لمى او اسبهاا على الموقف الي خلتني بي
ـ صرت تمام، ما جان اكو داعي اتعبين نفسج وتجين كل المسافة
ـ ما جنت اعرف شسوي من لمى گالت انتِ بالمستشفى
حجت وهي تنزل نظراتها باوعت الها عيونها الخضر الي اخذن گلبي من اول نظرة شفايفها المرسومة
ملامح وجهها الملائكية الشامة الي متوسطة خدها
كانت تفاصيل تجبر نظراتي تتأمل هيج نِعم
ولشدة تأملي بتفاصيل وجهها ما لاحظت شنو حجت ويمتا رفعت نظراتها الي
ـ هاا
حجيت بعد ما رمشت وعقدت حواجبي
ـ أكلتي؟!.
هزيت راسي بـ يي رجعت حجيت واني اتذكر موضوع دراستها والحجي الي سمعتة
ـ بخصوص موضوع الدراسة
قاطعتني وهي ترفع نظراتها لعيوني
ـ محمد قنع عمو حسن واتفقت ويا راح اداوم معهد هنا وهو يجي كل اسبوع يشوفني
ـ منوو!
حجيت بسرعة
ـ محمد؟!
حاولت امنع ابتسامتي بس فشلت
وقبل ما نحجي شي ثاني صوت طرقات الباب خلتني اباوع بأتجاهها
JE LEEST
مَـــزاد "مـثلـية"
Actie« هذهِ أُمنياتي التي باتت ثامِنُ المُستحيلات » تمنيتُ ان أُكمِل معكِ رحلتي في هذهِ الحياة ان نتجاوز العَثرات سويًا ان أُشارككِ مَسراتي واحزاني وأُقاسِمُكِ ضحكاتي وهمومي وليالي الأرق والأيام الممطرة تمنيتُ أصغر الأشياء وأَبسطها لأن سعادتي كان...
