والكلُّ يُكتَمُ و الهوى لا يُكتَمُ
إنَّ العيونَ إذا هَوتْ تَتَكَلّمُ
انفتحت الباب رمشت لجزء من الثانية ورجعت لورة بتوتر اخر نظرة بيني وبين راسيل كانت نظراتها لعيوني بس.
ع عكس نظراتي الي كانت تنتقل بين عيونها وشفايفها وخصلات شعرها ع خدها
ـ ماما
باوعت للي صوت وسرعة انفاسها اعلى من صوت ايهم الي حجة بحماس
بس ما كانت اسرع من نبضات گلبي
رطبت شفتي وطلعت بدون ما اضيف اي نظرة او كلمة
غمضت عيوني واني اغلق باب الغرفة اخذت نفس وكأنوا اول مره اتنفس بيها
ـ يَسار بيج شي؟!
فتحت عيوني وحاولت اسيطر على كلامي الي ما كان مرتب
ـ هـها اريم لا ما بية شي محتاجة شي؟!
حجيت ولازلت واقفة كدامها حاجز الها حتى ما تدخل الغرفة
ـ لعد شبيج وجهج احمر؟!
رطبت شفتي
ـ يمكن الجو حار عندي حساسية
حجيت، هزت راسها وتقدمت حتى تدخل الغرفة بس تراجعت خطوة من شافتني لازلت واقفة بمكاني
ـ بس اريد كتابي خليتة على المكتب مالتج
حجت بخجل وهي ترجع خصلة من شعرها للخلف
ـ ها تفضلي اسفة
اخذت نفس وبعدت عنها نزلت الدرج
كان عقلي يردد مو لازم اتوتر مو لازم يصير هيج
حالها حال البقية، بس الي ديصير العكس عكس حتى كلامي
قطع تفكيري اهتزاز تلفوني الي بأيدي رديت اول م شفت الاسم
ـ هلا شريكك
ـ هلا عمري بدون م ترفضين شي الشباب محضرين كعدة اليوم بليل ولازم تجين ترة ديعتبون عليج من رجعتي لثائر واحنه ما شفناج غير مره وحدة
ابتسمت ما كان عندي مجال للرفض وقبل ما احجي رجع حجة
ـ راح ادزلج الموقع وهم جيبي وياج أزل هم البنات مشتاقاتلها
ـ نزار نزار انطيني مجال احجي ما عرفتك تحجي هلكد
سمعت ضحكت مناف ابتسمت اكثر
ـ الحُب يمك!
ـ شخبارج يَسار الناسيتنا
رد مناف
ـ تمام انت شخبارك
ـ بنص العسل
ـ لا تخجل نزار وين راح نطلع بليل؟!
ـ ما اكو مكان محدد يمكن على دجلة الجو حلو
ـ لعد خلولها بالبيت فارغ حاجي لمى عدها المفاتيح
اني راح اوصي على الاكل انتو شوفوا التحتاجوا
جلست كدام المسبح سمعت صوت الحارس يحجي ويا شخص تجاهلتة
ـ خوش لعد ححاجي الشباب
هل المره حجة نزار وبعد كلام عشر دقايق غلقت الاتصال اخذت نفس وباوعت للحديقة
ابتسمت من شفت العاب ايهم
رفعت عيوني
خطر ع بالي تواجت راسيل بـ اول مرة ادخل لهذا البيت هنا بنفس المكان
انمحت ابتسامتي من سمعت صوتها هي وايهم من خلفي اخذت نفس ما لازم اتوتر ما صار شي يخليني بهذا التوتر. !
ـ يَسارر شوفي ماما شنو جايبة الي!
باوعت بأبتسامة لحماسة وهو يحجي وقفت الي يحاول يشوفنياها باوعت لجزء من الثانية لـ راسيل وقبل م ابعد نظري رجعتة واني اعقد حواجبي
ـ خلصن الملابس؟! لابسة بس تشيرت
باوعتلي لثانية ورجعت نظراتها لـ ايهم الي كان يتوجهة للحديقة الثانية
ـ رجلي تحاسبيني هيج؟!
ـ اها اوك حقج متعودة ع الرخص
حجيت بحدة وقبل ما ترد قطع حديثنة صوت أيهم
ـ يَسار لعبي ويايةة حبابة
ابتسمت الة وبدون اي كلمة اتجهت بأتجاه ايهم
مرت دقايق واحنه نلعب متجاهلة العيون الي تراقبنة
ـ اريد افوز
حجة بزعل من اخذت الكرة منة ضحكت ورجعتها الة
ـ يالة نرجع نلعب من جديد والي يخسر شنو يسوي؟!
باوعلي وهو خال ايدة ع حلگة يكتم ضحكتة ويأشر على المسبح
ـ يسبح
بحركتة هذي جبرني اشيلة وابوسة
ـ لا تصير هيج لطيف حتى ما اگلك
ثواني ورجعنة نلعب كانت راسيل تشجع بأيهم الي كنت احاول اخلي يفوز لحد ما راح حضن راسيل
رجع ايهم يباوعلي
ـ الخسران لازم يسبح
حجة وهو يضحك كنت ع استعداد اسبح بثلج وبجو ابرد من هسة مقابل اشوف هذي الضحكة
ـ گلبك قاسي
حجيت واني انزع التشيرت رجعت شعري للخلف
ـ انيهم اريد اسبح
ـ تعرف تسبح؟!
هز راسة بـ لا
ـ عوفو منكم هذا الجو بدة يتغير لا تتمرضون
ـ ماماا
قاطعتة بحدة
ـ لا يالة كافي روح ادخل العب بالغرفة
ابتسمت الة قبل ما يروح
ـ وانتي لبسي التشيرت لا تصيرين بيها الي يلتزم بالاتفاق وتصيرين طفل ويا
