أنا حتى وأن تركت الماضي
هل تظن أن الماضي يتركني ؟
وحدة من فترات حياتي التعيسة كانت وفاة والدتي وكان اصعب من الكتف الوحيد الي استند علية انسحب واني بوضع كنت اشبهة بالجثة اطرافي ابرد من شتاء روسيا
صوتي اختفى كنت ما انطق بشي
كانت صدمتي اكبر من عقلي يستوعبها
ولهسه احجي بگل شي الا مشاعري
صرت افضل الكللم الي ما مفهوم حتى ما الكة الشخص الي يفهمني وينكسر خاطرة على مشاعري الي انتهت وصارت اشلاء كـ مثل اي طفل فلسطيني تحت القصف
والان وقت مو اسوء بس كان صعب علية اتصنع القوة
الشهرين الاخيرة استنزفن طاقتي النفسية والجسدية
بعد رجوعي من الهند
ما كان عندي وقت لنفسي اسبوع مُهلك الشغل كان حتى بنومي يطلع الي
تفكيري بـ ايهم وامة صار اكثر وخاصتا بعد ما حجة حيدر عن الي تجاوزتة راسيل من مراهقة مغتصبة
من اخوها الى بيعها لـ حيدر نفسة، استغربت
بس وضحلي كان يمتلك بيت دعارة وكان من البيوت الي الهن أسم بـ وقتة.
الى ان اغتصبها ثائر وغيرة من العشرات الاشخاص
، ومنة تفكيري بـ اريم واتصالاتها الي كنت اتجاهلهم كنت اقنع نفسي هي تريد توضحلي وبالاساس هي ما تعرف اذا سمعت او لا واذا عندي مشاعر الها او لا
اختصرت اتصلاتها برسالة الي فتحت عيوني عليها
"مرحبا اريد اعرف ليش تحاجين محمد وتتعمدين تتجاهليني؟!"
قريت الرسالة لا أكثر من مره حاولت ادور جواب بس ضليت وقت كافي يخليني افكر اتجاهل حتى هذي رسالتها وابدي حياتي بعيد عن مشاعري الها الي كانت بذرة ولازم اوقف نموها
قطع تفكيري اتصال راسيل باوعت للساعة بـ 9 الصبح،
كان الوقت تقريبا بالجهة الثانية للتلفون ما يتجاون ال2 الظهر
ابتسمت وفتحت الاتصال توضحت الي ملامحها وملامح الي بجانبها
ـ هاييي ، لهسه نايمة!
عقدت حواجبها بعد ما شافت ملامح وجهي ونومي الي كان يظهر الها جزء من جسمي
ـ اخذت اجازة، شلون صار البطل!
شفت ابتسامة ولمعة عيونة الي كانت نسخة من جمال ولمعة عيون والدتة نظراتي كانت بين نظراتهم
خلتني افقد تركيزي بالي جان شاغل بالي
ـ شتاقيتلج
تحول وجهة الى الطف مما كان مما خلاني اقلدة
ـ واني اكثر صير قوي حتى ترجع هنا تره لهسه افكر بوعدك لازم نلعب اني وياك!!!
شفتتك نسيت
صغرت عيوني واني اشوف ضحكتة وهو يشوفني عضلاتة ويحاول يبينهن
وبين الجدل اني والدتة وبين لمعة عيونة وكلامة
انتهى الاتصال بنص ساعة
حولت نظراتي للسقف بعدما
دزيت رسالة لـ لمى حتى يصير عدها علم اتأخر
رجعت بوضعية نوم اريح
كان جسمي اكسل مما اكدر احركة
غمضت عيوني
وبدت الافكار تنهال علية
صراع بيني وبين افكراي كان اكبر من اواجهة
فأسهل شي لـ الانسان حتى يهرب هو النوم
