متأخر بس Happy Eid everyone🤍
هل البارت المفروض ينزل بأول ايام العيد بس صارت مشكلة بالواتبات وتأخر، البارت قبل الاخير.
الحُب الاول مُميز كـ اول درس
الحضن الاول، الأرتباك، توتر القلب
الخُذلان الذي تتوقعة من الجميع لكن يخذلك من اطمئننت بجانبه يجعلك حذر حتى من نفسك.
مصدر إمانك يصبح اكثر الاماكن رعُبًا
عندها تكتشف بالفعل هو درس اول لك وكم كُنت مغفل
من اللحظة الاولى الي شفت عيونها عرفتهن ما راح تكون عادية مو عادية لا بـ حُبها ولا بخذلانها الي.
جِنت مستعدة احارب الكل حتى ما اشوف نظرة الخوف بعيونها بس صارت هيَ الكل وحاربتني.
وهسه نفس نظرات الخوف جانت تباوع بضياع لـ ثائر الي ديحجي
شردد للحظة رجعني صوت ثائر
ـ تبقة ادارة هذي الشركة لـ هِتان ويَسار تستلمين كُلشي عني هذا الملف راح يبين الج شنو الي بأسمج
ومن ضمنها عمليات البيع والشراء الممنوعات وعرفي من اللحظة الي وقعتي بيها على الاوراق صرتتي تتعاملين ويـ مافيات ما راح تكدري ولا 1٪ تنسحبين وكـ وريث الي كل الي اتعامل وياهم صارو يعرفون بيج ويعرفون شطارتج بالشغل.
عقدت حواجبي وهزيت راسي بأستفهام
ـ عن شنو تحجي انتَ!!
الي خلاني اتنرفز اكثر برودة وهو يحجي مما خلاني اوكف
وقبل م انطق بشي وقف وصار مقابيلي
ـ اتذكر وافقتي علبة مقابل اطلك راسيل فـ ما اكو داعي لردة فعلج هذي.
رطبت شفتي كنت اعرف راح تكون عواقب، ما راح يكون موافقتة بالسهولة الي إجت منة تراجعت خطوة بخيبة، ورجعت جلست بهدوء، اختفت العاصفة الي جانت ع استعدات امحي ثائر بثواني
كانت اسم راسيل كفيل يخليني ارجف خوف حتى لا يصيبها شي
رفعت راسي، متناسية الشخص الثالث الي ديراقب الوضع بهدوء
مرت ثواني باوعت للملف الي كدامي، صرت بقذارة ثائر!
مستحيل استمر بالي يسوي
ما لازم يبقى الملف عندي
ـ دائمًا تحبين بدون ما تفكرين بعواقب أفعالج
باوعت الها بحدة، للحظة لاحظت انعدم تواحد ثائر
ـ راسيل تستاهل شخص يحبها مثلي
ابتسمت بسخرية
ـ مشكلتج من تحبين تنعمين بالشخص ما تشوفين شنو هوَ وشنو إصلة ولو هيَ شتعرف بالاصل بنت ليل
رطبت شفتي وكنت ع استعداد لو كانت غير هِتان ما راح تبقة واكفة ثانية
اختاريت الصمت، وتجاهلتها ردة فعلها دليل ع كلام راسيل وياها البارحة واضح مضوجتها لدرجة تحاول تحجي عنها اي شي بس حتى اضوج اني.
رن تلفوني مما خلاني ابتسم من شفت الاسم وابتسمت اكثر على ملامح الي كدامي.
ـ هاي حبيبي خلصتي اجتماع!
اخذت نفس واني اتذكر الي راح يصير
ـ خلص بس
