The Prophecy From Lower Realm

chapter 33

Nakarating narin sila sa wakas sa isla. Mabuti nalang at hindi sila napansin ng mga tagabantay. Maayos na nakapasok sila sa loob ng gusali ng Principiante, salamat sa mga lagusan na nilagay ni Adelina sa loob ng gusali.

"Kumusta ang naging lakad niyo? Halos siyam na araw kayong nawala ah." Bungad na tanong sa kanila ni maryana. Bumalik na ito sa dating anyo.

"Maayos naman, nagtagumpay kami sa aming pakay sa labas." Tugon ni arthon.

Napansin ni maryana na masyadong tahimik si Adelina. Kaya tinanong Niya si arthon. "Eh anong nangyari diyan sa Isa at mukhang natalo ng Isang Daan beses ang pagmu-mukha."

Natawa nalang sila ni Kaizen sa tinuran nito. Nagkibit balikat nalang sila dahil maging sila ay walang Alam kung bakit nagkakaganyan si Adelina.

Narinig naman ito ni Adelina kaya matalim niyang tinitigan si maryana. "Bakit? Maayos lang naman ako, pwedi ba wag niyo akong pag-uusapan." Paismid nitong wika.

Napataas naman ng kilay si maryana. Pamilyar sa kanya ang ganitong Asta, siguradong may nangyari sa ginawa nilang paglalakbay at mukhang hindi naging mabuti dito iyon. "Masama bang magtanong? Nagtataka lang naman ako at himalang hindi ka na maingay." Tugon Niya rito at iniripan.

Bago mapunta pa sa away ang mga bangayan ng dalawang ada pumagitna na si arthon at nagtanung. "Ahm maryana, ano pala balita dito nung nawala kami?". Pag-iiba Niya.

Kumalma si maryana ng masilayan sa kanyang harapan si arthon at matamis na ngumiti dito habang nagsasalita. "Ah maayos naman ang ginawa Kong pagbabantay dito at pagtuturo sa dapat matutunan ng  iyong mga studyante. May Dumating lang na Isang mensahero mula sa punong tagapamahala nagpapabatid na Maaga raw gagawin ang buwanang pagtatasa ngayon dahil kailangan daw nilang malaman kung may makakapasok ba na bagong studyante sa elite quads. At tungkol naman sa mga nagmamanman sa Inyo eh umalis na ng Isang linggong wala Silang nakukuhang mahalagang impormasyon sa kanilang ginagawang pagsusubaybay sa akin." Mahabang Paliwanag Niya.

Sa nalaman ay nawala na rin ang kanina pang inaalala ni arthon. na baka na buko na sila o kaya'y may nangyaring hindi maganda ng wala pa sila. "Mabuti naman, maraming salamat maryana" pagpapasalamat Niya rito.

Matamis itong ngumiti. "Wala iyon basta ikaw aking ginoo." Saad nito at biglang may naalala. "Ngayon nandirito na kayo," lumapit ito Kay arthon at humawak sa mga bisig nito. "Baka pwede na tayong mamasyal sa bayan tulad ng ipinangako mo!". Sabik nitong Saad.

Nawala ang ngiti sa mukha ni arthon ng marinig ang sinabi nito. Makikita sa mukha Niya ang Pag-tanggi Sana kaya Lang iyon ang kanilang napag-usapan kailangan niyang tuparin. "Ah oo naman, siguro mga bukas ng tanghali, may kailangan lang akong gawin muna ngayon araw". Sagot Niya.

"Kyaahhh! Sige, sige, ako'y aalis muna at maghanda, kita tayo dito bukas aking ginoo, paalam!" Sabik nitong sigaw at bigla nalang umalis.

Natatawa nalang si kiazen sa kanyang nakitang kakulitan ni maryana. Mukhang patay na patay nga ito sa kanyabg guro.

"Kaizen," tawag ni arthon sa bata.

Lumingon naman ito at tumugon. "Bakit po guro?".

"Nagawa mo na ba ang pagsasanay na ibinigay ko sa iyo?" Seryusong tanong ni ginoong arthon.

Malapad na ngumiti si Kaizen at tumugon "Opo guro!, nagawa ko, at hindi lang berding enerhiya ang nagagawa Kong mahigop guro, Kundi kaya Kong gawin sabay Silang higupin." Buong pagmamalaking pinaalam Niya rito.

Napakunot noo naman si arthon. "Ibig mong sabihin kaya mong sabay higupin ang puting enerhiya at ang berding enerhiya?".

Tumango naman si Kaizen. "Ipapakita ko po sa Inyo." Umupo si Kaizen habang ang dalawang palad ay magkadikit na parang nagdarasal. Maya Maya lang nakikita na ni arthon ang ibigsabihin ni kiazen. Namangha siya sa kanyang nakikita, ang puting enerhiya at berding enerhiya ay magkasabay na hinihigop ng katawan ni Kaizen deretso sa star system nito.