ပေါ်ယွီ စိတ်ရှုပ်ရှုပ်ဖြင့် ဝမ်းဟယ်ရှန်းအား စီးကရက်တစ်လိပ် ကမ်းပေးသည်။၀မ်းဟယ်ရှန်းကား မယူ။ပေါ်ယွီ တစ်ချက်တွေဝေသွားပြီး သူပါ ဆေးလိပ်မသောက်ရန် ဆုံးဖြတ်လိုက်သည်။
" နောက်ကျ လျှို့ကျိုးမြစ်နားက ဆန်ခရုခေါက်ဆွဲစားကြရအောင် "
ပေါ်ယွီ သဘောမနောကောင်းစွာ ဖိတ်မန္တကပြုလိုက်၏။ဝမ်းဟယ်ရှန်းက ခေါင်းညိတ်ရင်း သူ့ဖုန်းကို ပေါ်ယွီ့ဆီ ထိုးပေးသည်။
" နောက်တစ်ခါ မုန့်သွားစားဖို့ Wechat မှာ friend add ထားကြမယ် "ပေါ်ယွီက ၀မ်းဟယ်ရှန်းနှင့် သူငယ်ချင်းတွေဖြစ်သွားသည်နှင့်တစ်ပြိုင်နက် ဝမ်းဟယ်ရှန်အား ဟော့ပေါ့ဆိုင်၏ Free Wifi လိုင်းကို သုံး၍ ' လောဘအိုးမြွေဂိမ်း ' ကို download ဆွဲရန် အားတက်သရော တိုက်တွန်းလာသည်။မြွေဂိမ်းကို သူနဲ့အတူတူ အဖွဲ့လိုက်ဆော့ကြမည်ဟု။
ဝမ်းဟယ်ရှန်းက ဤသို့ဂိမ်းမျိုးတွေ စိတ်မ၀င်စား။ကလေးကလားဆန်လွန်းသည် ထင်၏။ထို့ကြောင့် ပြောင်ပြောင်တင်းတင်း ငြင်းဆန်ပါသည့်တိုင် ပေါ်ယွီ၏ မရမနေ ဇွဲကောင်းကောင်း ဂျီကျမှုကြီးကို သူ့ခမျာ တောင့်မခံနိုင်ရှာ။
သို့နှင့် ၀မ်းဟယ်ရှန်းတစ်ယောက် ဂိမ်း App ကို download ချကာ ပေါ်ယွီ့အကြံအတိုင်း အလကားရတဲ့ wifi လိုင်းအောက်တွင် နှစ်ယောက်သား အတူတူ ဂိမ်းနှိပ်ကြတော့သည်။
ပေါ်ယွီ ဂိမ်းထဲရောက်သည့် အခိုက်အတန့်လေးတွင် wifi line က သိပ်မတည်ငြိမ်ချင်ဖြစ်ရာ ပေါ်ယွီက ဝမ်းဟယ်ရှန်းနှင့်ရန်သူပြိုင်ဖက်အသင်းထံ join မိသွားခဲ့သည်။
ဂိမ်းထဲတွင် အနီရောင်မြွေသေးသေးလေးက အစိမ်းရောင်မြွေအကြီးကြီးနှင့် ပက်ပင်းတိုးသည်။ပေါ်ယွီက သူ့ရဲ့ကျွမ်းကျင်မှုတွေကို ၀မ်းဟယ်ရှန်းရှေ့မှာ ဟန်တစ်လုံးပန်တစ်လုံး ကြွားဝါချိန်မရလိုက် ၊ ဝမ်းဟယ်ရှန်း၏မြွေအမြှီးနှင့် အသတ်ခံလိုက်ရသည်။ကမန်းကတန်း ပြန်အသက်ရှင်လာလို့မှမကြာသေး ၊ ဝမ်းဟယ်ရှန်းရဲ့မြွေစိမ်းက သူ့ရဲ့အနီကောင်ကို မြိုချလိုက်၏။
![](https://img.wattpad.com/cover/277358084-288-k588843.jpg)
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၂၇(လိုက်ဖက်ညီမှု)
Start from the beginning