One Day Mi Affi Win

25

Never proofread cause mi did waa give unuh the likkle chapter 😩

RYAN'S P.O.V.

See cause she nah go stop ask mi a go just tell har part a the truth. A nuh seh mi nuh trust har fi tell har enuh but she might start think differently of me. Dat goodly a go cause a wedge between wi and mi nuh want dat cause mi really waa sekkle dung wid har. Plus, mi nuh in a dis thing permanent, that's why mi waa Theo ooman hurry up and have dem pickney so mi can leff ya so.

She did actually right bout the part weh she seh she nuh have nuh number fi nobody round mi but mi nuh waa har fi have none a dem man deh numba cause dem might slip up. Mi can maybe gi har mommy number.

"So how yuh know mi fada?"

Is like babes did a rehearse dem question ya cause she naa itch fi ask dem.

"Him borrow money from mi bredda and nuh waa pay him back," I answered.

"So weh yuh bredda plan fi do?"

She cya stop ask questions now???

"Mi nuh know weh him plan fi do wid him enuh but him need fi pay back Theo before him get cross."

Yuh well and know weh him a go do bout yuh nuh know.

She nuh affi know dat...

Sighing, she asked him much Donald owed my brother.

Weh she a ask dat fa??

"Weh ya look pon mi so fa?? Mi a ask how much him owe yuh bredda??" She asked this time with attitude.

A wah do da lady ya man?

"One million wid interest." I responded.

Nodding, she took up her phone typing before bringing her attention back to me.

"Weh ya do wid gun?"

"Mi did in a the army babes... plus it liscened."

Hope dat mek sense.

"Wah mek mi nuh know nobody fi yuh Ryan?"

You could tell by the tone of her voice she was saddened by it.

"Most a mi people dem deh Mobay and Town. Nuh really have nobody up da side here, just mi fada weh live a Bog Walk." I answered truthfully.

"Ok..."

"Yuh nuh have no more questions?" I asked.

She shook her head no.

"Weh mum deh?"

"She mussi gone sell," She answered.

"Cya spend d rest a day wid mi? Mi miss mi ooman enuh."

"Go call pinky," She says, getting up to go inside the house.

Waa???

"Weh ya talk bout??" I asked, following her inside.

She ignored me.

"B nuh you mi a talk to?" I asked, holding onto her hand.

"Mi seh go call pinky, a dat mi say" She answered, raising her voice.

"Mi nuh think we get pass dis?" I ask, confused.

"Mi think so too until mi hear seh a she yuh run guh too anytime we have argument," she hissed pulling away from me.

Wait... wah???

"Weh yuh hear dat babes?"

Cause mi cya memba when last mi link pinky...