အခန်း ၇၄ ဝှက်ထားသော ရွှေများ
ကုယွင်က လန်ယွဲ့အဆောင်ဘက်သို့ လျှောက်လာပြီး ကျွော့ချင်းကို ကြည့်လိုက်ရာ ကျွော့ချင်း၏ပွယောင်းယောင်းဖြစ်နေသောဆံပင်များနှင့် ပင်ပန်းနွမ်းနယ်နေသော မျက်နှာအသွင်အပြင်ကို တွေ့လိုက်ရသည်။ ကုယွင်က ကျောက်ခုံပေါ်တွင် ဝင်ထိုင်လိုက်ရင်း နောက်ပြောင်လိုက်သည်။ "ငါထင််တာကတော့ နင် ညက ကောင်းကောင်း မအိပ်ခဲ့ရဘူး"
"အင်း" သူမက ကျွော့ချင်း ငြင်းမယ်လို့ ထင်ခဲ့ပေမဲ့ ကျွော့ချင်းက ရက်ရက်ရောရော ခေါင်းညိတ်ပြလာပြီး "နောင်လာမယ့် နေ့ရက်တွေမှာ ငါက စိတ်လှုပ်ရှားဖို့ကောင်းတဲ့ အချိန်လေးတွေ ပိုင်ဆိုင်နိုင်မယ်လို့ ထင်နေတယ်"
ကျိုက်ရှင်းအဆောင်နဲ့ လန်ယွဲ့အဆောင်က အလွန်နီးကပ်နေတာကြောင့် တကယ်ကို အဆင်မပြေလှပေ။ မင်းသမီးလေးက မျှော်ကြည့်ရုံမျှသာတက်နိုင်ပြီး လို့ရှီးယန်ကိုတောင် မြင်ရမည်မဟုတ်ပေ၊ တကယ်ကို အဆင်မပြေတာပါပဲ။
ကုယွင်က မျက်ခုံးကို အနည်းငယ်ပင့်ကာ မေးလိုက်သည်။ "ငါ တစ်ခုခု လွတ်သွားတာလား"
ချင်းက မနေ့ညကပဲ လက်ထပ်တော့မယ်လို့ ပျော်ပျော်ရွှင်ရွှင် ပြောနေခဲ့တာ မဟုတ်ဘူးလား??? ဒါပေမယ့် ဒီနေ့ မနက်အစောကြီး အခြေအနေက ပြောင်းလဲသွားတယ်။
ကျွော့ချင်းက ခေါင်းယမ်းလိုက်ပြီး သူမဘေးက ကျိုက်ရှင်းအဆောင်ကို လှမ်းကြည့်လိုက်ပြီး "နင် မလွတ်ပါဘူး၊ ပွဲက အခုမှ စမှာ!"
ကုယွင်က ကျွော့ချင်းကြည့်ရာနောက်သို့ လိုက်ကြည့်လိုက်ရာ ကျွော့ချင်းနေထိုင်သည့် ကျိုက်ရှင်းအဆောင် ဝင်းရှေ့တွင် ခါးတွင် ဓားရှည်များ ချိတ်ဆွဲထားသော ဝတ်ရုံရှည်များကို ဝတ်ဆင်ထားသည့် သန်မာထွားကြိုင်းသော အမျိုးသားလေးဦးရှိနေသည်။ တံခါးအပြင်ဘက်တွင် အစေခံဖြစ်ပုံရသော မိန်းကလေးငယ်နှစ်ဦး မတ်တပ်ရပ်နေသည်။ ကုယွင်က အနည်းငယ် မျက်မှောင်ကြုတ်ကာ "ဘာတွေဖြစ်နေတာလဲ?"
ကျွော့ချင်းက ပြုံးပြီး ပခုံးတွန့်ကာ ကူကယ်ရာမဲ့ ပြောလိုက်သည်။ "တစ်ကြောင်းတည်းနဲ့ ရှင်းပြဖို့က အရမ်းခက်တယ်။ ရှင်းရှင်းပြောရရင် ချုံယွဲ့ရဲ့ မင်းသမီးလေးက လို့ရှီးယန်ကို ချစ်မိနေတယ်။ သူ လက်ထပ်မယ်လို့ ကြားလို့ သူ(မ)က နန်းတော်မှာ ကြိုးဆွဲချတယ်။ မယ်တော်မိဖုရားကြီးက လို့ရှီးယန်ကို သူ့(မ)သမီးတော်နဲ့ လက်ထပ်စေချင်တယ်။ လို့ရှီးယန်က ငြင်းပယ်ခဲ့တဲ့အတွက် မင်းသမီးလေး ပြန်လည်သက်သာလာဖို့ဆိုတဲ့ အကြောင်းပြချက်နဲ့ ဝန်ကြီးချုပ်အိမ်တော်ကို ပို့လိုက်တယ်၊ သူတို့တွေ နီးစပ်သွားဖို့ လှည့်စားမှုတွေ လုပ်ဖို့ ပြင်ဆင်မှုတွေ ပြုလုပ်ထားတယ် ထင်တယ်။ ဆန်ကို ထမင်းချက်ဖို့ ကြိုးစားနေတာ.. ဒါမှမဟုတ် ဒရာမာကားတွေထဲကလို ဖြစ်လာမယ်လို့ မျှော်လင့်နေတာထင်တယ်"
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
