🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊
دمعة فاطمة للمواليد 🌸🍃:
تطلگ الكعبه الليله علي علي
وصاحت يحامي دخيله علي علي
ياهلا بجيتك ياهلا، ،بأعلى الاصوات مهلهله
####################
ياعلي ياعلي تطلگ الكعبه وتندب ابهالليله
ياعلي ياعلي طلوگتها بيك اوتندبك مو حيله
ياعلي ياعلي والله عجيبه الحاله من احچيله
ياعلي ياعلي يابشر گلي هالكلام ايشيله
تطلگ تريد اتجيبك ياعلي ياعلي
والكون كلّه بجيبك باعلي ياعلي
يلتملك اعظم منزله ، باعلى الاصوات مهلهله
####################
ياولي ياولي شگت بطنها الكعبه هاي الساعه
ياولي ياولي ومن عدها بطلع هالكريم اطباعه
ياولي ياولي والسمه تمطر بس ورد بنواعه
ياولي ياولي والكون يسجله يقدم الطاعه
يسجد ابّين ايدينه ياعلي ياعلي
وفدوه يروح لعينه ياعلي ياعلي
يللي بيمينك منهله ، باعلى الاصوات مهلهله
####################
حيدره حيدره جيت وترست الدنيا من اطباعك
حيدره حيدره عمية عيونه ياعلي الماشافك
حيدره حيدره اوصاف ربي اتجسدت باوصافك
حيدره حيدره والله عاف الجنه كلمن عافك
وبنص جهنم داره ياعلي ياعلي
الينكر علي وفقاره ياعلي ياعلي
ودمعت ندامه اتهل له ،باعلى الاصوات مهلهله
####################
ياوصي ياوصي شعت علينه بهلمسيه انوارك
ياوصي ياوصي ومية الف من الرسل خطارك
ياوصي ياوصي جت لمحمد بالولاده اتبارك
ياوصي ياوصي مبارك تگله هالوليد امبارك
بهذا الوصي هنيالك ياعلي ياعلي
ياطه بس يحلالك ياعلي ياعلي
يلتملك اعظم منزله ، باعلى الاصوات مهلهله
####################
ياهلا ياهلا جبريل واصحاب العزم نادوله
ياهلا يهلا ومحفل الليله بالعرش سووله
ياهلا ياهلا وتحيروا شنهو الذي يهدوله
ياهلا ياهلا وشنهو الهديه التصلح ايقدموله
انچان هاذي الجنه ياعلي ياعلي
تشتم علي تتمنه ياعلي ياعلي
تتمنه بس توصل اله ،باعلى الاصوات مهلهله
####################
مرحبا مرحبا ناده الوجود وهالخلگ فرحانه
مرحبا مرحبا والشمس غنت والگمر ويانه
مرحبا مرحبا اشرق الليله حيدره مولانه
مرحبا مرحبا وماضل صنم الا انهدم بنيانه
طايح هبل من طوله ياعلي ياعلي
بس ماسمع هلهلوله ياعلي ياعلي
طاح وضرخته معوّله ...باعلى الاصوات مهلهله
####################
الشاعر ابو فاطمة الطائي
💮💮💮💮💮💮💮💮💮💮💮💮💮💮💮💮💮💮💮💮💮
هوسات بمناسبة ولادة الامام علي (ع)
مـو بـس الك قلب الموالـي انسعـد
الكعبـه فتحت بابهه وصارت مهــد
ليـش الجـدار انفتـح ولدت هنــاك برغــد
من حسـت بجيته صاحت ياحيــدر مــدد
هوسات وصفكات مولود الامام علي
Ξεκινήστε από την αρχή
