အခန်း ၅၃ ။
သူငယ်ချင်းဖြစ်သူများကိုလည်းဆိုင်တစ်ဆိုင်ဝယ်၍ ပိုက်ဆံရှာချင်ကြောင်းကိုဟောက်ဝေ့ကမေးမြန်းခဲ့သည်။
သူကြွယ်မိသားစုမှ အမျိုးသမီးတစ်ယောက်မှာလူလုံးထွက်ပြခြင်းကမသင့်လျော်သော်လည်းမင်းသမီးတစ်ပါး၏ နောက်လိုက်လုပ်လျှင်တော့ အဆင်ပြေသည်။
ယခု၊ ဟောက်ဝေ့မှာချင်နိုင်ငံတော်တွင် အချစ်ခံရဆုံး၊ နန်းတွင်းထဲတွင် တစ်ဦးတည်းသောမင်းသမီးနှင့် ဘုရင်နှင့်မိဖုရားတို့၏ အသည်းကျော်လေးဖြစ်ပေသည်။ မည်သူကမျှ သူမအားအပုပ်မချရဲကြသလိုသူမနှင့် နီးစပ်ခွင့်ရရန်ပင် ကြိုးစားနေကြပြီဖြစ်သည်!
သို့သော်လည်း၊ အမျိုးသမီးငယ်လေးများ၏ စိတ်တိုင်းကျဖြစ်လာခဲ့သည်။ သူတို့ အိမ်ပြန်ရောက်သည်နှင့်၊ တစ်ခဲနက်ထောက်ခံမှုကိုရရှိခဲ့ပြီးဆိုင်များနှင့် ချိတ်ဆက်နိုင်ခဲ့သည်။ မိသားစုဝင်များကလည်းဟောက်ဝေ့နှင့် တည့်တည့်ယှက်ယှက်နေပြီးဆက်ဆံရေးမပြတ်စေရန် မှာကြားသည်။
ထို့ကြောင့်၊ မိန်းမပျိုလေးများပီပီစိတ်လှုပ်ရှားလျက် စူးစမ်းလိုစိတ် ပြင်းပြနေကြသည်။ ဟောက်ဝေ့ဖွင့်လိုသည့်ဆိုင်မျိုးကိုမေးမြန်းကြသည်။ အချို့မှာစားသောက်ဆိုင်၊ အချို့မှာလက်ဖက်ရည်ဆိုင်၊ အချို့မှာလက်ဝတ်ရတနာဆိုင် စသည်ဖြင့် အသီးသီးဖွင့်လိုကြသည်။ နေ့စဉ်နှင့်အမျှ အဆက်အသွယ်အမျိုးစုံရှိသောမိန်းကလေးများလည်းပါဝင်ပေသည်။
ဟောက်ဝေ့ကလည်းသူတို့အားစိတ်မပျက်စေရပါ။ သူတို့ သဘောကျသည်များကိုချရေးခိုင်းစေပြီးဆိုင်မဖွင့်ခင် အသေးစိတ်စီစစ်ရန် ဆုံးဖြတ်ထားလိုက်သည်။ ဖွင့်လိုသည့်နယ်ပယ်၏ အကျိုးအမြတ်နှင့် ဆုံးရှုံးနိုင်သည်များကိုသေချာလေ့လာပြီးကျသင့်ငွေနှင့် ပြန်ရနိုင်ငွေ၏ အချိုးအစားကိုလည်းထည့်တွက်ရဦးမည် ဖြစ်သည်။ ထို့ကြောင့်၊ တဇွတ်ထိုးပြုလုပ်၍မရနိုင်ပါ။
YOU ARE READING
အမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း
Romanceအမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း ။