CHAPTER: 36
Translator: Summer Sunshine
editor: Kris shiဟောက်ဝေ့ နိုးလာသည်နှင့် သူမ၏မျက်နှာဆီသို့ တိုက်ရိုက်ရောက်လာသည့် လက်ဖက်ရည်ခွက်ကို အသိစိတ်ဖြင့် ရှောင်လိုက်သည်။
ကြမ်းပြင်ပေါ်သို့ ကျကွဲသွားသော လက်ဖက်ရည်ခွက်ကြောင့် အားလုံးရင်တုန်သွားကြတော့သည်။ မှောက်ကျနေသော လက်ဖက်ရည်များကို ကြည့်ကာ ဟောက်ဝေ့ကိုခေါင်းကို ဖြည်းဖြည်းမော့လိုက်ပြီး ဘေးဘီကြည့်လိုက်သည်။
ရှေးဟောင်းစံအိမ်ကြီး တစ်ခု၏ ခန်းမထဲတွင်၊ မိန်းမကြီးတစ်ယောက်မှာ မျက်လုံးများမှိတ်လျက် အလယ်ခုံပေါ်တွင် ထိုင်နေသည်။ သူမလက်ထဲတွင် ပုတီးတစ်ကုံးမှာလည်း တစ်လုံးချင်၊ တစ်လုံးချင်း ရွေ့လျား၍နေသည်။ သူမ၏ မျက်နှာမှာတော့ သနားစရာပင်ဖြစ်နေသည်။ ဟောက်ဝေ့ မှတ်ဉာဏ်များကို အမြန်ရှာဖွေကြည့်လိုက်တော့ မူလပိုင်ရှင်၏ အဖွား၊ ဖန်း အမျိုးသမီး ဖြစ်နေကြောင်း သိလိုက်ရသည်။ ( သူမလက်မထပ်ခင်က မျိုးရိုးနာမည်မှာ ‘ဖန်း’ ဖြစ်ခဲ့သည်)
ဖန်းအမျိုးသမီး၏ ဘေးတစ်ဖက်တစ်ချက်စီတွင် သက်လတ်ပိုင်း အမျိုးသားနှင့် အမျိူးသမီးတို့ အသီးသီးထိုင်နေကြသည်။ ထိုနှစ်ဦးမှာ မူလပိုင်ရှင်၏ အဖေ လုယွမ်နှင့် အမေ ချန်အမျိုးသမီးတို့ဖြစ်ကြသည်။ နှစ်ယောက်သားသည် ဒေါသတကြီးဖြင့် စိုက်ကြည့်နေကြလေသည်။ လက်ဖက်ရည်ခွက်ကို ခွဲလိုက်သူမှာ လုယွမ်ဖြစ်သည်။
လုယွမ်၏ ဘေးတွင်ထိုင်နေသော လူငယ်တစ်ဦးမှာ သူမ၏ အစ်ကို လုဟန်းဖြစ်သည်။ သူက ဟောက်ဝေ့ကို တည့်တည့်ကြည့်မနေဘဲ သူ့အမေဘေးတွင်ရှိသော မိန်းမငယ်လေးကို ပူပန်တကြီးဖြင့် ကြည့်နေသည်။ မိန်းမငယ်လေး၏ မျက်လုံးများမှာ နီရဲနေပြီး ရံဖန်ရံခါ မျက်ရည်များလည်း စီးကျလာတတ်သည်။သူမသည်အရမ်းစိတ်ထိခိုက်နေပုံရသည်။ သူမက စာအုပ်ထဲရှိ မူလဇာတ်လိုက်တစ်ဦးဖြစ်ပြီး လုမိသားစု၏ သမီးအရင်း လုကျင်းယွင်ဖြစ်သည်။
ထို့အပြင် ဟောက်ဝေ့၏ မျက်စိရှေ့တွင် ရှိသောဆွေမျိုးများမှာလည်း သူမနှင့် မတော်စပ်ပေ။ လုကျင်းယွင်နှင့်သာ တော်စပ်ကြသည်။ ဟောက်ဝေ့မှာ ဤမိသားစု၏ သမီးအရင်းမဟုတ်သောကြောင့်သာဖြစ်သည်။ သူမက စည်းစိမ်ဥစ္စကို မက်မောလွန်းသည့်အပြင် သူမ၏ သတို့သားနှင့်လည်း စေ့စပ်ပွဲလုပ်ခဲ့သေးသည်။ ယနေ့တော့၊ သတို့သားဖြစ်သူ၊ ဖန်ချင်းကျဲမှာ စေ့စပ်မှုကို ဖျက်သိမ်းလိုကြောင်း ပြောလာသည်။ ထိတ်လန့်မှုနှင့် ဒေါသထွက်မှုကြောင့် မူလပိုင်ရှင်မှာ လုကျင်းယွင်အား အပြစ်တင်ရန်လုပ်ခဲ့သော်လည်း သူမသာ အပြစ်တင်ခံခဲ့ရသည်။
YOU ARE READING
အမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း
Romanceအမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း ။