Chapter: 12
Translator: Summer sunshine
Editor: Alice Kimနောက်တစ်နေ့ မနက်စောစောတွင်တော့ ဟောက်ဝေ့က မနက်စာစားဖို့ထပြီးနောက် စွေ့ကျင်းအား သူမနဲ့လော့ရှောင်တို့၏ ချိန်းဆိုမှုအတွက် အင်္ကျီကူရွေးပေးခိုင်းလေသည်။
ဟောက်မင်နဲ့ ကျောက်စီကျားတို့ကလည်း မနက်စာစားဖို့အတွက်ဌာ ဆင်းလာကြသည်။ ဒါပေမယ့် ဟောက်ဝေ့အခန်းရှေ့က ဖြတ်လျှောက်တာနဲ့ ကြားရတဲ့ ရယ်သံတွေကြောင့် သူတို့၏ ခြေလှမ်းတွေရပ်သွားမိတော့သည်။
ကျောက်စီကျားက မကျေနပ်တဲ့လေသံဖြင့် ပြောလိုက်သည်။
"ဒါဆို သူက လော့ရှောင်နဲ့ တကယ်ကြီးချိန်းထားတာပေါ့? သူ ဘာမဟုတ်တာတွေကြံစည်နေတာပါလိမ့်?"
ဒီလိုစကားမျိုးက ဟောက်မင်ကို စိတ်ခုစေပြီး သဝန်တောင်တိုစေပါသည်။ ထို့ကြောင့် သူသည် စိတ်တိုနေသလို လေသံမျိုးဖြင့် တုံ့ပြန်လိုက်သည်။
"ကြံစည်နေတာက လော့ရှောင်ရောမဖြစ်နိုင်ဘူးလား? ဟောက်ဝေ့က ဒီတိုင်းသာမန် ကောလိပ်ကျောင်းသူလေး တစ်ယောက်ပဲကို သူက ဘယ်လိုလုပ် လော့ရှောင်ကို မြူဆွယ်နိုင်မှာမို့လို့လဲ? တစ်ဖက်မှာ လော့ရှောင်က ရုတ်တရက်ကြီး ဟောက်ဝေ့ကိုထူးထူးဆန်းဆန်း သဘောတွေကောင်းပေးနေတာလေ သူကပဲ ဟောက်ဝေ့နဲ့ ဝေးဝေးနေသင့်တာမဟုတ်ဘူးလား?"
"ဟောက်မင်! နင်ဘယ်လိုတွေတောင် ပြောလိုက်တာလဲ? လော့ရှောင်က အဲ့လိုလူမျိုးမဟုတ်ရပါဘူးနော်!"
ကျောက်စီကျားက အရင်ကအခဲမကျေတာတွေနဲ့ပါ ပတ်သက်ပြီး အောက်ထပ်သို့မဆင်းခင်မှာ ဟောက်ဝေ့ကို မျက်စောင်းထိုးသွားတော့လေသည်။
ဟောက်မင်လည်း မျက်မှောင်ကြုတ်သွားပြီး ဟောက်ဝေ့အခန်းဆီကိုသွားကာ ကန့်လန်တိုက်ပြီး မေးတော့သည်။
"ဟောက်ဝေ့ နင်လော့ရှောင်နဲ့ ဘယ်လိုတွေ့ခဲ့တာလဲ? သူက နင့်ကိုချဉ်းကပ်စရာအကြောင်းမှ မရှိတာ။"
ဟောက်မင် အခန်းထဲဝင်လာတဲ့အချိန်မှာ ဟောက်ဝေ့က ဝှီးချဲပေါ်မှာ အင်္ကျီတွေခေါက်နေတာဖြစ်၏။ ဟောက်မင်အသံကြားတာနဲ့ သူမမျက်နှာပေါ်က အပြုံးက လျှပ်စီးထက်မြန်တဲ့အရှိန်နဲ့ ပျောက်သွားပြီး အသံခပ်မာမာနဲ့ပြောလိုက်သည်။
YOU ARE READING
အမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း
Romanceအမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း ။