Chapter: 11
Translator: Summer sunshine
Editor:Little Foxကျောက်စီကျားသည် အိမ်ပြန်ရောက်တာနဲ့ တစ်ပြိုင်နက် လော့ရှောင်ဆီသို့ အပူတပြင်း ဖုန်းခေါ်ပါတော့သည်။ ထိုအချိန်တွင် လော့ရှောင်ကတော့ အလုပ်လုပ်ပြီးသွားသဖြင့် ပန်းချီဆွဲသည့်အခန်းကို သန့်ရှင်းရေးလုပ်နေတာဖြစ်သည်။ သူသည် ဖုန်းလာနေတာကို တွေ့တဲ့အခါ ဖုန်းကိုင်လိုက်ပြီးတော့ speaker ကိုဖွင့်ထားလျက် ဘေးစားပွဲခုံပေါ်မှာတင်လိုက်ပြီး ပန်းချီကားတွေကို ဆက်စီနေလိုက်သည်။
ကျောက်စီကျားကတော့ ရှိုက်ကြီးတငင်ဖြင့် ဖုန်းဆက်ပြောပါတော့သည်။
"လော့ရှောင်၊ ငါ တောင်းပန်ပါတယ်ဟာ ငါ ပြဿနာထပ်ရှာမိပြန်ပြီထင်တယ်။ ငါ့ကို နင်အများကြီးကူညီခဲ့တာတောင်မှ နင့်ကို ငါက ဝန်ထုပ်ဝန်ပိုးတွေချည်း ပေးမိနေတာပဲ"
"ဘာကိုဆိုလိုချင်တာလဲ? "
လော့ရှောင်က တည်ငြိမ်သောအသံဖြင့် ဆေးစုတ်တံတွေကို ဆေးကြောလိုက်ကာ တစ်ခုချင်းစီကို သေချာ စီနေရင်းနဲ့ မေးလိုက်သည်။ကျောက်စီကျားက အပြစ်ရှိတဲ့လေသံဖြင့် ပြန်ဖြေသည်။
"အခု ငါအကုန်သိသွားပြီ။ ဟောက်ဝေ့က ငါ့အပေါ်ဒေါသထွက်လို့မရတော့ နင့်အပေါ်ကိုပုံချတော့မယ်ဆိုတာလေ။ နင်နဲ့ချိန်းတွေ့ရဖို့အတွက် ဟောက်ဝေ့က ဘာတွေအကြောင်းပြပြီး နင့်ကို တိုက်တွန်းနေတာလဲ? ဘာပဲဖြစ်ဖြစ်၊ နင် သူ့ဆီ မသွားနဲ့နော်! အခုပဲ ဟောက်ဝေ့ အဖေက ပြဿနာကိုဖြေရှင်းပေးမယ်လို့ ငါ့ကိုပြောတယ်။ ငါလည်း မနက်ဖြန်အိမ်ပြောင်းရတော့မှာ နင်လဲ သူ့ကိုသွားမတွေနဲ့၊ စိတ်လည်း မပူပါနဲ့။ မနက်ဖြန်ပြီးရင် သူနင့်ကိုနှောင့်ယှက်နိုင်တော့မှာ မဟုတ်ဘူး။"
ကျောက်စီကျားက အောင်နိုင်သူလေသံဖြင့် သူမစကားကို အဆုံးသတ်လိုက်သည်။ ဒါပေါ့၊ သူမထင်တဲ့အတိုင်းပဲလေ။
ဟောက်ဝေ့နဲ့ လော့ရှောင်က တစ်ခါမှလည်းမတွေ့ဖူးသလို သိလည်းမသိကြဘူးလေ။ အခုမှသိတဲ့နှစ်ယောက်က ချိန်းတွေ့ဖို့စီစဉ်ထားပြီး လော့ရှောင်ကိုယ်တိုင်က သွားခေါ်မယ်ဆိုတာက ဘယ်လိုလုပ်ဖြစ်နိုင်မှာလဲ?
YOU ARE READING
အမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း
Romanceအမျိုးသမီးအမြောက်စာကောင်းလေး အဖြစ် ပြန်လည်နိုးထလာခြင်း ။