BOYFRIEND IS BENT! (REALM - 35) [Myanmar Translation]

Chapter - 42

Unicode

၂၂၃၆။ ဒီကထွက်သွားရအောင်

သတင်းကောင်းကောင်းရတော့မှာကိုခံစားမိနေတာမို့ သတင်းထောက်တွေက အဲ့သရုပ်ဆောင်တွေဆီ တစ်ယောက်ပြီးတစ်ယောက် ပြုံတိုးလာကြသည်။ သို့သော်ငြား ရိုက်ကူးရေးအဖွဲ့သားတွေအားလုံးက သူတို့ကိုတွန်းဖယ်ကာ သူတို့ကားတွေဆီအပြေးအလွှားသွားကြသည်။

သတင်းထောက်တွေက ဒီအတွက် ဒေါသထွက်မနေကြပေ။ သူတို့က မနက်ဖြန်အတွက် သတင်းခေါင်းစီးရဖို့မျှော်လင့်ရင်း ရိုက်ကူးရေးအဖွဲ့သားတွေရဲ့ကားနောက်ကို အလျင်အမြန်ကားမောင်းလိုက်ကြသည်။

အတိအကျပြောရမည်ဆိုလျှင် AIDSက အဲ့လောက်ကြီးကြောက်ဖို့ကောင်းတဲ့ရောဂါမဟုတ်ပေ။ ကုသမှုနဲ့ဆို AIDSရောဂါသည်တစ်ယောက်က သာမန်ဘဝအတိုင်းနေသွားလို့ရနိုင်သည်။ တစ်ချိန်တည်းမှာပဲ ဒီရောဂါက ကူစက်နိုင်ဖို့အခွင့်အရေးများသည်။ လူတစ်ယောက်သာ ဒီရောဂါအကူးခံလိုက်ရပါက သူတို့ဘဝက ဒီရောဂါကြောင့် လုံးဝပြောင်းလဲသွားမည်ဖြစ်၏။

ရိုးကူးရေးတစ်ဖွဲ့လုံး ချက်ချင်းပင်ထွက်ပြေးသွားကြသည်။ သူတို့က အင်မတန်ပူဆွေးနေပုံရတဲ့ကျီပေယဲ့နဲ့ကောချိုးကိုထားခဲ့ကြ၏။

ကောချိုးက သူ့ရင်ဘတ်ကိုအုပ်ကိုင်သည်။ မြားအစင်းပေါင်းတစ်ထောင်လောက်နဲ့အပစ်ခံလိုက်ရသလို သူခံစား‌လိုက်ရသည်။ သူက ငုံ့ချကာ အန်၏။

"ကောချိုး! မင်း နေမကောင်းဘူး။"

သူတို့လေးယောက်ထဲမှာ ကောချိုးက အားအနည်းဆုံးဖြစ်သည်။ သူက ဂရုမစိုက်လိုက်တာနဲ့ လွယ်လွယ်လေးရောဂါကူးစက်တာခံရတတ်သည်။

ဒါ့အပြင် အအေးမိဖို့လည်းလွယ်၏။

ကောချိုးက သည်းခြေ‌ရည်တွေပင်အန်သည်။ သူက ကျီပေယဲ့ကိုငိုယိုကာပြောသည်။

"ဒီကထွက်သွားရအောင်။ ကျွန်တော် ဒီမှာ ဆက်မနေချင်တော့ဘူး။"

ကောချိုးတစ်ယောက် မျှော်လင့်ချက်တို့ လုံးဝပျက်သုဉ်းသွားပြီဖြစ်၏။ သူAIDSရောဂါရနေတဲ့သတင်းတောင်ထွက်လာပြီ။ သူ ဒီမှာ တကယ်ဆက်မနေနိုင်တော့ဘူး။