"ငါ..." ကျွော့ချင်းက သူမကိုယ်သူမ အေးအေးဆေးဆေး လှောင်ပြောင်နေတာကို မြင်တော့ လို့ရှီးဝူက ရှက်ရွံ့သလို ခံစားလိုက်ရသည်။ "ငါက အဲဒီလို ဆိုလိုတာ မဟုတ်ပါဘူး"
လို့ရှီးဝူက ထိုအရည်အချင်းများကို ပြုစုပျိုးထောင်ရန် မည်မျှ ခက်ခက်ခဲခဲ ကြိုးစားရတယ်ဆိုတာကို နားလည်ပေးနိုင်သည်။ သူမက ထိုအရာများကို မေ့သွားတာကတောင် အရမ်းသနားစရာကောင်းနေပြီဖြစ်ကာ အခု သူမက သူမကိုယ်တိုင် ထုတ်ဖော်ပြောနေတာကြောင့် တစ်စုံတစ်ယောက်ရဲ့နာကျင်မှုကို သူမက ထပ်ပြီး ထုတ်ဖော် မပြောသင့်တော့ပါဘူး။
ရိုးရိုးသားသားပြောရလျှင် ကျွော့ချင်းက လို့ရှီးဝူ၏ မာနကြီးသောမျက်ဝန်းများကို နှစ်သက်သည်။ ကျွော့ချင်းက အကြောင်းအရာကို လျင်မြန်စွာ ပြောင်းလိုက်ပြီး "ရပါတယ် တခြားအကြောင်းပြောကြရအောင်"
လို့ရှီးဝူက သူမကို ကြည့်လိုက်ပြီး "နင်က ဘာတွေပြောချင်တာလဲ?"
"နင်က ဧကရာဇ်နဲ့ အရမ်းရင်းနှီးတယ်လို့ ငါ ကြားတယ်"
ဘာပဲဖြစ်ဖြစ် သူမက အရမ်းပျင်းနေတာကြောင့် ဤအကြောင်းအရာကို မေးရန် အခွင့်အရေးယူလိုက်သင့်သည်။
လို့ရှီးဝူက ရှက်ရွံ့စွာ ပြုံးနေကာ "ငါ သူ့ကို ကောင်းကောင်း မသိပါဘူး၊ ငါ ငယ်ငယ်က ပျင်းနေရင် ငါနဲ့ အစ်ကိုနဲ့က အဒေါ်နဲ့အတူ နန်းတော်ကို လိုက်သွားကြတယ်၊ အဲ့တာကြောင့် အစ်ကိုတော်ဧကရာဇ်ကို မကြာခဏ တွေ့ဖူးတယ်"
"နောက်ဆုံးအကြိမ် နန်းတော်ထဲကို လိုက်သွားတုန်းက သူက အရမ်းရက်စက်တယ်လို့ ထင်ခဲ့မိတယ်" ကျွော့ချင်းက သွေးတိုးစမ်းတဲ့ အနေနဲ့ ညည်းညူပြလိုက်သည်။
လို့ရှီးဝူက အထပ်ထပ်အခါခါ ခေါင်းညိတ်ရင်း စိုးရိမ်သောကရောက်နေသော အမူအရာဖြင့် ပြန်ပြောလာသည်။ "ငါလည်း သူ့ရဲ့ ဒေါသက အရမ်း ဆိုးဝါးတယ်လို့ ခံစားရတယ်၊ သူ ဒေါသထွက်တဲ့အခါ လူတွေကို သေတဲ့အထိ ကြောက်လန့်စေပေမယ့် သူက ငါ့အစ်ကိုကိုတော့ ဒေါသထွက်ခဲတယ်"
"ဘာလို့လဲ၊ နင့်အစ်ကိုနဲ့ သူက ဝမ်းကွဲတွေ ဖြစ်နေလို့လား" ယန်းဟုန်ထျန်းက လို့ရှီးယန်အပေါ် အထူးသည်းခံနေပုံရတယ်လို့ သူမလည်း ခံစားမိခဲ့တယ်။
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
CH- 56
Start from the beginning
