အထက်ပါအချက်ကို အသာထား ၊ မိမိကိုယ်ပွားလေး တစ်နေ့တခြား ကြီးပြင်းလာသည်ကို ဘေးကနေ တစိမ့်စိမ့် ငေးမောကြည့်နေရခြင်းကပင် ဆန်းသစ်လှပသော အတွေ့အကြုံတစ်ခုတည်း။
ဝတုတ်လေးရဲ့စိတ်နေစိတ်ထားက ယခင်ထက်စာလျှင် အရွယ်ရောက်လာသည်။သူ နှစ်လခန့် မတွေ့ခဲ့ရတဲ့ ပေါ်ယွီက ပိုပိုချောမောခန့်ညားလျက်ရှိသည်ကို မြင်သောအခါ ၀တုတ်လေး ဆုံးဖြတ်ချက်ချလိုက်၏။
" ဒက်ဒီ ၊ သား ၀ိတ်ချချင်တယ် !!! "ချူဖန်းက အေးစက်စက်ကြည့်သည်။
" ဘာတွေကများ မင်းကို ရုတ်တရက်ကြီး ၀ိတ်ချချင်စိတ်ပေါက်အောင် လုပ်လိုက်ပြန်ပြီလဲ ??? "ဝတုတ်လေးက ပေါ်ယွီ့ကို ချစ်ရည်ရွှန်းလဲ့စွာ မော့ကြည့်ရင်း ရှက်ကိုးရှက်ကန်းလေး ဖြေသည်။
" သားက ဖျော်ဖြေရေးလောကထဲ ပေါ်ကောကောနဲ့အတူတူ နေရဦးမှာ။ ဒီ၀တုတ်ခန္ဓာကိုယ်ကြောင့် သားအိမ်မက်လေး ပျက်စီးကုန်မယ့်ကိစ္စမျိုး လက်မခံနိုင်ပေါင် "အဲဒီအချိန်ကျ သူ့ Male idol ကြီးနဲ့ 'ချူပေါ် CP' ဟု အမည်ရသည့် ဖရဲသီးစုံတွဲသတင်းကို Entertainment လောကတစ်ခွင် ပြဲပြဲစင်သည်အထိ စန်းစန်းတင်ပစ်ရမည်။၀တုတ်လေးရဲ့စိတ်ကူးယဉ်မှုအပေါင်းဟာ တားမနိုင်ဆီးမရ။
ချူဖန်းက သူ့သားအကြောင်း နောကျေနေချေပြီ။၀တုတ်လေး ဖြစ်ပျက်နေပုံကို မြင်သည်နှင့်တစ်ပြိုင်နက် သူ့သားတစ်ယောက် စိတ်ကူးယဉ်ကမ္ဘာထဲ လက်ပစ်ကူးနေမှန်း သဘောပေါက်လိုက်သည်။
" အင်း ၊ ဒက်ဒီ မင်းအတွက် အာဟာရပညာရှင်ကို ဆက်သွယ်ထားလိုက်မယ် "ဝတုတ်လေး : " gym trainer ပါ လိုချင်တယ် "
သားအဖနှစ်ဦး၏ အချီအချစကား၀ိုင်းကို နားစွင့်နေတဲ့ ပေါ်ယွီက ၀တုတ်လေးကို ဆတ်ခနဲ လှည့်ကြည့်သည်။
" မင်းက ငယ်သေးတယ် ၊ လေ့ကျင့်ခန်းတွေ လုပ်လို့မရသေးဘူး "ချူဖန်းက သဘောတူစွာ ခေါင်းညိတ်သည်။
" ဟုတ်တယ် ၊ အခု ၀ိတ်အရင်ကျဖို့က အဓိက ဦးစားပေးပဲ "ဝိတ်ချမှ ၊ မဟုတ်လျှင် ချူဖန်း ၀တုတ်လေးကို ဆက်ချီနိုင်တော့မည်မဟုတ်။
![](https://img.wattpad.com/cover/277358084-288-k588843.jpg)
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၂၁(မပြေမပြစ် အပြောအဆို)
Start from the beginning