ပျော်စရာလေးဘာလေးတွေ့ရင် သူများလက်တို့ရကောင်းမှန်း မသိတဲ့လူတွေ နောင်ဘ၀ နတ်သားဖြစ်သွားရင်တောင် အတောင်ပံကျိုးနေပါစေဗျာ !!!
ချူဖန်းက လက်ထဲမှာ ထီးတစ်ချောင်းနှင့် ပေါ်ယွီဆီ လျှောက်လာသည်။အတော်လေး စိတ်လက်ပေါ့ပေါ့ပါးပါးရှိနေဟန်။
ဝတုတ်လေးက ပါးစပ်ကို အကျယ်ကြီးဟအော်ဟစ်ရင်း ပြေးလာ၏။
" ပေါ်ကောကော ၊ ကောကော ဘာလို့ ဝိတ်တွေကျသွားတာလဲဟင် ??? "လ၀က်ကျော်ကျော်မျှ လက်မလည်အောင် အလုပ်ရှုပ်နေခဲ့သော အချိန်ဇယားကြောင့် ပေါ်ယွီ သိသိသာသာ ပိန်လျသွားခဲ့သည်။ထင်းထွက်လာသည့် မေးစေ့ ၊ သေးသွယ်နေသော ခါးကျင်ကျင် ၊ အရိုးနှင့်အသား ကပ်နေပြီဖြစ်သော ခြေတံရှည်များ။ပိန်ပိန်ပါးပါးရှိသင့်သည့် ခန္ဓာကိုယ်အစိတ်အပိုင်းအားလုံး ပိန်သွားသည်ဟု ဆိုရမလား။
လျော့ရဲပိန်ကျမသွားသင့်သည့် နေရာ ၊ ဥပမာ --- တင်ပါးလိုအစိတ်အပိုင်းမျိုးကမူ ကျစ်ကျစ်လျစ်လျစ်ရှိနေစမြဲပေ။
ပေါ်ယွီ ယခင် ၀တုတ်သည်ထက် ဝတုတ်လို့နေပါသော ဝတုတ်လေးအား ငုံ့ကြည့်လိုက်သည်။
" ချူလင်းရွှိန် ၊ မင်းကျ ၀ိတ်တွေတက်လာလှချည်လား "အမှန်တကယ်ကို ဝတုတ်လေးက ဝတုတ်ဖောင်းကားနေခဲ့သည်။မျက်နှာလေးက ပိုမိုလုံးကစ်လာသည့်အပြင် မေးစေ့လေး၌ အသားထပ်က နှစ်ရစ်ဖြင့်။ဝမ်းဗိုက်လေးက စည်ပိုင်းလေးတစ်ခုနှယ် မို့မို့မောက်မောက်။အရပ်လေးလည်း ရှည်လာ၏။
၀တုတ်လေးက ယခု ၀တုတ်လတ်အဆင့်သို့ ရောက်နေပြီး ထိုမှတစ်ဆင့် ဝတုတ်ကြီးဖြစ်လာမည့်အရေးက သိပ်မဝေးတော့။
စိတ်လေနေသည့် မျက်နှာထားနှင့် ချူဖန်းက ပေါ်ယွီကို ရင်ဖွင့်ရှာသည်။
" ဟိုတလောက ငါ အလုပ်မအားတာနဲ့ သူ့ကို ငါ့မိဘတွေဆီ ပို့လိုက်မိပါတယ် ၊ ပြန်သွားခေါ်ရော အဲဒီပုံ ဖြစ်နေတာပဲ "ပေါ်ယွီ လေးလေးနက်နက် ဆင်ခြင်မိပါ၏ ၊ ဝတုတ်လေးရဲ့ဖြစ်အင်ကို သာဓကယူရလျှင် ဖရဲသီးလေးအား စုန့်ရှီလင်အမေထံ ၀ကွက်အပ်စောင့်ရှောက်ခွင့်ပြုလိုက်လို့ လုံး၀ မဖြစ်ရေးချမဖြစ်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၂၁(မပြေမပြစ် အပြောအဆို)
Start from the beginning