လှိုဏ်ဂူကြီးက ကြီးမားပြီး အလယ်တွင် မီးရောင်တစ်ခု ထိန်ထိန်လင်းနေသည်။ သေးငယ်သော ထောင့်တစ်နေရာတွင် ဆံပင်များပြန့်ကျဲနေသော အမျိုးသမီးတစ်ဦးက မြေပြင်ပေါ်တွင် ခွေခွေလေး လဲကျနေကာ ထိတ်လန့်စွာ စိုက်ကြည့်နေသည်။ သူမ၏ ပိန်ပိန်ပါးပါး ခန္ဓာကိုယ်က အဆက်မပြတ် တုန်ခါနေသည်။
ကျွော့ချင်းက ရှေ့သို့ ခြေတစ်လှမ်းတိုးကာ "မြန်မြန်ထပြီး ငါ့နောက်ကို လိုက်ခဲ့ပါ"
အမျိုးသမီးက မတ်တပ်ထရပ်ရမည့်အစား ကြောက်စိတ်ကြောင့် နောက်ဆုတ်သွားသည်။ ကျွော့ချင်းက အမျိုးသမီးရဲ့လက်မောင်းကို ဆွဲထူလိုက်ပြီး "မင်းက ရှုအာ မဟုတ်လား၊ ချီထျန်းယုက မင်းကို ကယ်တင်ဖို့ ငါတို့ကို ပြောခဲ့တယ်၊ မေးခွန်းတွေ အများကြီး မမေးနဲ့၊ ဒီကနေ အရင်ထွက်ရအောင်"
နောက်ဆုံးတွင် ကျွော့ချင်းက ထိုအမျိုးသမီးကို ဆွဲထူလိုက်သော်လည်း သူမက ကွော့ချင်းကို ဆုပ်ကိုင်ထားဆဲဖြစ်ပြီး ထိန်းမနိုင်သိမ်းမရ လှုပ်ခါနေဆဲဖြစ်သည်။ ကျွော့ချင်းက စိတ်တိုနေပြီး စကားထပ်မပြောရသေးခင်မှာ ထိုအမျိုးသမီးက မျက်ရည်များဝဲနေကာ သနားစဖွယ် တုန်တုန်ယင်ယင်ဖြင့် "ခြေထောက်တွေ မလှုပ်နိုင်တော့ဘူး..."
မလှုပ်နိုင်ဘူးလား? ကျွော့ချင်းက သူမ၏ စကပ်ကို ညင်သာစွာ မြှောက်လိုက်သည်။ မီးရောင်အောက်တွင် ထိုအမျိုးသမီး၏ ညာဖက်ခြေဖဝါးတွင် သိသိသာသာ ပွင့်ထွက်နေသော ဒဏ်ရာတစ်ခုကို ရှင်းရှင်းလင်းလင်း မြင်လိုက်ရသည်။
"သေစမ်း!" ကျွော့ချင်းက ကျိန်ဆဲလိုက်သည်။ ဒဏ်ရာက အရမ်းကြီးပြီး ခြေသလုံးကြွက်သားတွေက အထိရောက်အောင် ပြင်းပြင်းထန်ထန် စုတ်ပြဲနေသည်။ အချိန်မီ မကုသနိုင်ရင် ပိုးဝင်တာကြောင့် ဒီမိန်းကလေးရဲ့ ခြေထောက်က အသုံးမဝင်နိုင်တော့သလို၊ ဒဏ်ရာက သူမကို သေစေနိုင်သည်။ ဒီလူက သူမကို ဂူထဲမှာ တစ်ယောက်တည်း ထားခဲ့ရဲတာ အံ့ဩစရာ မရှိတော့ပါဘူး။ သူမခြေထောက်က ကျိုးနေတာ ကြာပြီလေ။ ပြေးဖို့နေနေသာသာ ဂူထဲကနေတောင် မထွက်နိုင်ဘူး!
ဒဏ်ရာ၏ မျက်နှာပြင် အနေအထားနှင့် အမျိုးသမီး၏ အနည်းငယ်ထုံကျဉ်သော အသွင်အပြင်ကို ကြည့်ပြီး ဒဏ်ရာက ဆယ့်နှစ်နာရီကျော် ကြာလောက်ပြီဟု ခန့်မှန်းနိုင်သည်။ ကျွော့ချင်းက ထိန်းမနိုင်သိမ်းမရဖြစ်သွားကာ ဝေးဝေးမသွားနိုင်မှာကို စိုးရိမ်တာကြောင့် သူမကို ဆွဲခေါ်လာခဲ့သည်။ အပြင်မှာ ပေါင်းပင်များနှင့် တောတွင်းသစ်ပင်များ၏ အကိုင်းအခက်များ ရှိနေသည်။ နောက်တစ်ခါ ကူးစက်ခံရရင် ပိုပြီး ဒုက္ခရောက်သွားနိုင်သည်။ ကျွော့ချင်းက အခြေအနေကို လျင်မြန်စွာ ဆုံးဖြတ်ပြီး အမျိုးသမီးကို ထိုင်ခိုင်းကာ မီးပုံနားတွင် သစ်ကိုင်းခြောက်နှစ်ခုကို တွေ့သွားပြီး အမျိုးသမီး၏ အနားသို့ ပြန်သွားကာ သူမစကတ်ကို ဆုတ်ဖြဲလိုက်ရင်း အသံတိုးတိုးလေးနဲ့ "နည်းနည်းတော့ သည်းခံပါ!"
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
CH- 32
Start from the beginning
