ကျွော့ချင်း၏ ဦးခေါင်းတွင် ရုတ်တရက် အနက်ရောင် လိုင်းများ ဖုံးလွှမ်းသွားသည်မှာ သေချာသည်။ တိမ်ညိုတိမ်မည်းများကြောင့် လရောင်က မှောင်မိုက်နေကာ လေပြင်းများတိုက်ခိုက်နေသည်။ နေ့ခင်းကြောင်တောင် တောက်ပတဲ့ ကောင်းင်က ဘယ်ကနေရောက်လာတာလဲ? သူက အမှန်ပင် သူမ သိသော အရူးကောင်ဖြစ်သည်။ ကျွော့ချင်းက တစ်ယောက်တည်း စိတ်ထဲတွင် ရေရွတ်နေရင်း ကျောက်နံရံတွင် တွယ်ကပ်ကာ ဂရုတစိုက် ပုန်းနေလိုက်သည်။ ရုတ်တရက် ဂူပေါက်ဝမှ အလင်းတန်းတစ်ခု ထွက်ပေါ်လာပြီး ချမ်ကျင်းက တစ်ဘက်သို့ခုန်ကာ ဘေးတိုက်ရှောင်ထွက်သွားသည်။ မမျှော်လင့်ဘဲ ငွေရောင်အလင်းတန်းက တစ်ဖန်ထွက်ပေါ်လာပြန်သည်။
"ညစ်ပတ်နံစော်နေတဲ့ အကောင်ငယ်လေး၊ ဒီအဘိုးကြီးက မင်းကို ခုတ်နိုင် မခုတ်နိုင် ကြည့်လိုက်ရအောင်!" ကြမ်းတမ်းသော အော်ဟစ်သံနှင့်အတူ ဂူပေါက်ဝတွင် အရပ်ရှည်ပြီး သန်မာသော လူတစ်ယောက် ပေါ်လာသည်။ သူ၏ သန်မာသော ကိုယ်လုံးကိုယ်ပေါက်က အနည်းငယ် ကြောက်စရာကောင်းနေပုံရသည်။ ကျွော့ချင်းက ဂရုတစိုက် ကြည့်လိုက်သည်။ သူ့လက်ထဲမှာ သံကြိုးအဝိုင်းပေါင်းများစွာကို သူ့လက်နှစ်ဖက်မှာ ရစ်ပတ်ထားတာကို တွေ့လိုက်ရသည်။ သံကြိုးအောက်တွင် လက်သီးထက် အနည်းငယ်သေးငယ်သော သံလုံးတစ်လုံးကို ချိတ်ဆွဲထားသည်။ ထိမှန်လျှင် သွေးထွက်သံယို ဖြစ်စေမည်ပင်။
ကျွော့ချင်းက အသက်ရှုကြပ်သွားပြီး သူမကိုယ်ကို ကျုံလိုက်စဥ် ချမ်ကျင်း၏ လှောင်ပြောင်သံကို ကြားလိုက်ရသည်။ "ဒါဆို ဘယ်သူ အရင်သေမလဲ ကြည့်လိုက်ရအောင်!"
ဓားပျံက ထိုလူကြီးဆီသို့ ပျံသန်းလာပြီး လူကြီး၏သံလုံးကို ထိမှန်သွားသည်။ ဓားနှင့်သံလုံးထိသွားသောအခါ မီးပွားများထွက်လာသည်။ တစ်ခုထိသွားကာ လူကြီးသည် အားနည်းချက်ကိုမပြဘဲ သူလက်ထဲတွင်ရှိသော သံကြိုးကိုဝှေ့ယမ်းကာ ချမ်ကျင်း၏မျက်နှာကို လှမ်းရိုက်လိုက်သည်။ ချမ်ကျင်းက နောက်သို့ပြန်ဆုတ်ကာ ခုန်ထွက်သွားလေသည်။ လူကြီးက အခွင့်ကောင်းယူကာ ပြေးလိုက်သွားပြီး လက်နက်များ ထိပ်တိုက်တွေ့သံနှင့် ကြမ်းတမ်းသော လှုပ်ရှားသံများက ဝေးကွာသွားသည်။ ကျွော့ချင်းက သူမ၏ စကတ်ရှည်ကြီးကို မလိုက်ပြီး ဂူဝင်ပေါက်ဆီသို့ ပြေးဝင်သွားသည်။
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
CH- 32
Start from the beginning
