လူသတ်ကောင်ဘယ်သူလဲ?(Realm - 26) [Myanmar Translation]

Chapter - 43

Unicode

၁၇၁၇။ ကံအပြစ်ကြွေးတွေကနေလွတ်မြောက်နိုင်

၇၉၅ရဲ့မျက်နှာက စိတ်လှုပ်ရှားမှုကြောင့်နီရဲနေသည်။

"ငါတို့ တာဝန်ထမ်းဆောင်သူတွေမှာလည်း အပြစ်တွေရှိတယ်၊ ဒါပေမယ့် ဒီပစ္စည်းနဲ့သာဆိုရင် ငါတို့ အသက်ရှင်နိုင်ရုံတင်မကဘူး ကောင်းကင်ဥပဒေသကငါတို့အတွက်ချမှတ်ထားတဲ့အပြစ်ကြွေးတွေကနေလည်း လွတ်မြောက်နိုင်ဆယ်။

"မင်း ဒီကျောက်ကိုရတာနဲ့ အဲ့ထဲမှာ ရှိနေတဲ့ဝိဉာဉ်တွေက မင်းမှာရှိတဲ့အသက်တွေနဲ့ညီမျှတယ်။ မင်း အပြစ်မဲ့တဲ့လူတွေကိုသတ်မိရင်တောင် ကံအပြစ်ကြွေးနဲ့နှိပ်စက်ခံရမှာမဟုတ်ဘူး။"

နဉ်ရှု : ...

အကျိုးနည်း၊ သောက်ရမ်းcheatဆန်တဲ့ဟာမျိုး ဘယ်လိုလုပ်ရှိနေရတာလဲ?

တာဝန်ထမ်းဆောင်သူတစ်ယောက်သာ ဒါကိုရသွားလို့ကတော့ သုတ်သင်ခံရမှာကို ကြောက်နေစရာမလိုတော့ဘူး။ အထဲမှာ တာဝန်ထမ်းဆောင်သူရဲ့သုတ်သင်ခံရမှုကို အစားထိုးပေးမယ့်ဝိဉာဉ်ရှိနေတယ်လေ။

နဉ်ရှုရဲ့နှလုံးသားတွေက လိုအင်ဆန္ဒတွေနဲ့တရွရွဖြစ်နေသည်။ ကျောက်တုံးရဲ့တောက်ပမှုကိုကြည့်ရင်း ဒါက ပိုလှလာသလို သူမ ခံစားလိုက်ရသည်။ သူမ ဒါကိုလိုချင်တယ်။

လောကမှာအင်မတန်ရှားပါးတဲ့အရာကိုတွေ့နေရတဲ့အခါ လောဘက အတိုင်းအဆမရှိကြီးထွားလာတတ်၏။

နဉ်ရှု လက်သီးဆုပ်လိုက်မိသည်၊ သူမရဲ့လက်သည်းတွေက သူမလက်ဖဝါးထဲစိုက်ဝင်သွားပြီး နာကျင်မှုတွေဖြစ်ပေါ်လာစေသည်။ ဒါက သူမက နည်းနည်းစိတ်တည်ငြိမ်သွားစေသည်။ သူမ မျက်နှာသေနဲ့ရှိနေတဲ့အန်ကယ့်ကိုတစ်ချက်လှမ်းကြည့်လိုက်ကာ ရုတ်တရက် စိတ်ထဲမှာ သက်ပြင်းချလိုက်မိသည်။

ဒါကို သူမရနိုင်မယ့်အခွင့်အရေးက အတော်လေးနည်းတယ်။ ပြီးတော့ တာဝန်ထမ်းဆောင်သူ ဘာမဆိုလုပ်လို့ရနေနိုင်တဲ့ဒီလိုပစ္စည်းမျိုးရှိနေတာက ဘယ်လိုပဲတွေးတွေး လက်တွေ့မဆန်ဘူး။

"ဖြောင်း ဖြောင်း ဖြောင်း..."

ဖြည်းဖြည်းချင်းလက်ခုပ်တီးလိုက်သံက ရုတ်တရက်ထွက်ပေါ်လာကာ စင်္ကြန်လမ်းမှာ ပဲ့တင်ထပ်သွားသည်။