Unicode
၁၆၈၆။ သံသယအရှိဆုံးလူသေပြီ
______________________
"ဖန်ချန်း။"
နဉ်ရှုက လူသတ်မှုဖြစ်တဲ့နေရာဆီ အလောတကြီးထွက်သွားသည်။ ဖန်ချန်းက အခန်းတံခါးဝမှာသေနေတာဖြစ်သည်။ သူ့ခေါင်းနောက်စေ့က တံခါးရှေ့မှာရှိတဲ့အုတ်လှေကားနဲ့ရိုက်မိထားတာဖြစ်ပြီး သွေးတွေက ကြမ်းပြင်တစ်ခုလုံးရွှဲနေသည်။
ကျေးလက်မှာရှိတဲ့ဒီလိုမြေအိမ်မျိုးတွေအားလုံး တံခါးနားမှလှေကားထစ်တွေထားတတ်ကြသည်။ သူက ကြမ်းပေါ်မှာ လှုပ်ရှားမှုမရှိလဲလျောင်းနေ၏။
အန်ကယ်က လက်အိတ်တွေဝတ်ထားကာ ဖန်ချန်းရဲ့ခေါင်းကိုစစ်ဆေးနေသည်။
"ဘယ်သူ ဖန်ချန်းနဲ့နောက်ဆုံးရှိနေခဲ့တာလဲ?"
အန်ကယ့်အမူအရာက အတော်လေးခက်ထန်နေသည်။
အားလုံး အချင်းချင်းကြည့်လိုက်မိကာ ခေါင်းယမ်းလာကြသည်။ ကောင်လေးတစ်ယောက်က တီးတိုးဆို၏။
"သူ ပစ္စည်းတစ်ခုယူဖို့ အခန်းပြန်ဦးမယ်လို့ပြောသွားတာ။"
"ငါ မင်းတို့ကို တစ်ယောက်တည်းမနေဖို့ပြောမထားဘူးလား? မင်းတို့ခေါင်းတွေက မစင်တွေနဲ့ပဲပြည့်နေတာလား?"
အန်ကယ်က သူ့လက်အိတ်တွေကိုချွတ်ကာ ခါးထောက်သည်။
လူအုပ်ကြီးတုန်နေပေပြီ။
နဉ်ရှုက မျက်မှောင်ကုတ်သည်။ ဖန်ချန်းက သံသယအရှိဆုံးလူပဲ၊ သူက ဒီနေရာကိုလာဖို့အကြံပေးတဲ့သူ၊ စုတ်တံကလည်းသူ့ဟာ၊ အခုတော့ ဖန်ချန်းသေပြီ။
သံသယအရှိဆုံးလူသေပြီ။
အခု လူတိုင်းမှာ တူညီတဲ့လူသတ်သမားဖြစ်နိုင်ချေရှိတယ်။
အဖွဲ့ခေါင်းဆောင်ဖန့်ကျွင်းယန်က နံရံကိုကိုင်ထားသည်။ သူ့နဖူးက ချွေးစေးတွေရွှဲနေပြီး ထိတ်လန့်မှုတို့က သူ့ကိုလွှမ်းမိုးထားပုံရသည်။ သူက သူ့ကိုယ်သူ တည်ငြိမ်သွားအောင်အတင်းလုပ်လိုက်ပြီးဆို၏။
"နောက်ပိုင်း ဘယ်သူမဆို တစ်နေရာရာသွားချင်ရင်အဖွဲ့ကိုပြောသွားရမယ်။ ငါတို့အားလုံး အတူတူသွားကြမယ်။"
YOU ARE READING
လူသတ်ကောင်ဘယ်သူလဲ?(Realm - 26) [Myanmar Translation]
Mystery / ThrillerName(s) : Quick Transmigration Cannon Fodder's Record of Counterattacks Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Who's The Murderer?(Realm-26) E-trans l...
![လူသတ်ကောင်ဘယ်သူလဲ?(Realm - 26) [Myanmar Translation]](https://img.wattpad.com/cover/289935066-64-k546487.jpg)