Unicode
၁၇၁၆။ မင်း သတိထားပါ
"အကြံပေး၊ ကျွန်တော်တို့ကို အကြံပေးနဲ့လိုက်ခွင့်ပြုပါ။ အတူတူသွားရအောင်။"
လူအုပ်ကဆိုသည်။
"ဒီမှာပဲနေ။ ငါတို့နောက်လိုက်စရာမလိုဘူး။"
အန်ကယ်က အရေးမစိုက်စွာဆိုသည်။
"အောက်မှာအန္တရာယ်များတယ်။"
"ဟင့်အင်း၊ ကျွန်တော်တို့ အကြံပေးနဲ့ရှိနေမှဖြစ်မယ်။"
"မင်းတို့သဘောပဲ။"
အန်ကယ်က အရေးမစိုက်စွာဆို၏။
လူအုပ်က နဉ်ရှုဆီကနေအတုယူလိုက်ကြသည်။ သူတို့တစ်ယောက်ချင်းစီက ခြံထဲသွားကာ သစ်သားတုတ်ချွန်တွေယူလာသည်။
အန်ကယ်က ရှေ့ကနေဦးဆောင်ကာ အောက်ဆင်းသွားပြီး လုရှန်းရှန်းက သူ့နောက်ကနေလိုက်သည်။
"မင်း သတိထားပါ။"
ကျန်းကျားစန်က လှေကားကနေဆင်းမသွားခင် နဉ်ရှုကိုပြော၏။
နဉ်ရှု : ...
ကြည့်ဦး၊ သူက သူမကို သောက်ရမ်းတွေဂရုစိုက်သလိုလာလုပ်ပြနေတယ်။
၇၉၅က သူ့ဖုန်းမီးကိုဖွင့်လိုက်ကာ အောက်ဆင်းသွားသည်။
နဉ်ရှုက တုတ်ချွန်ကို လက်တစ်ဖက်မှာ ခပ်တင်းတင်းဆုပ်ကိုင်ထားကာ တစ်ဖက်မှာတော့ ဓာတ်မီးကိုကိုင်သည်။ သူမက အောက်ထဲကိုဆင်းသွားရင်း စိတ်လှုပ်ရှားနေတဲ့အဖွဲ့ဝင်တွေကိုလှမ်းပြောသည်။
"မြန်မြန်လိုက်ခဲ့ကြ။"
အုပ်စုက တစ်ယောက်ချင်းအောက်ဆင်းသွားတာမို့ အိမ်မှာဘယ်သူမှမရှိတော့ပေ။ တဝုန်းဝုန်းတိုက်ခတ်နေတဲ့လေပြင်းတွေကြား နှင်းတွေက တစ်အိမ်လုံးကိုဖုံးလွှမ်းပစ်တော့မယ့်ဟန်နဲ့ သည်းထန်စွာကျဆင်းနေ၏။
အခုတော့ နဉ်ရှုတစ်ယောက် ဓာတ်မီးကို ပါးစပ်ထဲကိုက်ထားချေပြီ။ သူမရဲ့လက်တစ်ဖက်က သူမရှေ့မှာလျှောက်နေတဲ့ ၇၉၅ရဲ့ရှပ်အင်္ကျီကိုဆွဲထားပြီး တစ်ဖက်က တုတ်ချွန်ကိုကိုင်ထား၏။
လှကားထစ်တွေက အတော်လေးရှုပ်ထွေးပြီး လမ်းကြောင်းတွေအများကြီးရှိသည်။ ဒီလမ်းတွေ ဘယ်ကိုပေါက်လဲဆိုတာ သိဖို့နည်းလမ်းမရှိတာကြောင့် လမ်းပျောက်ဖို့လွယ်၏။
YOU ARE READING
လူသတ်ကောင်ဘယ်သူလဲ?(Realm - 26) [Myanmar Translation]
Mystery / ThrillerName(s) : Quick Transmigration Cannon Fodder's Record of Counterattacks Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Who's The Murderer?(Realm-26) E-trans l...
![လူသတ်ကောင်ဘယ်သူလဲ?(Realm - 26) [Myanmar Translation]](https://img.wattpad.com/cover/289935066-64-k546487.jpg)