နာကြည်းမှုတွေ လွင့်ပျယ်စေ...

CH- 18

　　ကျွော့ချင်းက စိတ်ထဲမှာ ကျိန်ဆဲနေတုန်း တစ်စုံတစ်ယောက်က သူမရဲ့ လက်ကောက်ဝတ်ကို ဖမ်းဆုပ်လိုက်သလို ခံစားလိုက်ရသည်။ သူမ သတိဝင်လာတဲ့အချိန်မှာတော့ လို့ရှီးယန်က သူမကို ရထားလုံးရဲ့ ပျော့ပျောင်းတဲ့ ကုတင်ပေါ်ကို ဆွဲတင်ခံလိုက်ရတော့သည်။ သူမရဲ့လည်ပင်းနောက်ဘက်မှာ သွေးတွေအများကြီးရှိနေတာကို တွေ့ရတော့ လို့ရှီးယန်၏နှလုံးသားက တင်းကျပ်လာသည်။

　　သူမ၏လက်ကောက်ဝတ်က အနည်းငယ်နာကျင်လာသဖြင့် ကျွော့ချင်းက လို့ရှီးယန်ကို ကြည့်လိုက်ရာ သူမ၏လည်ပင်းနောက်ဘက်သို့ နက်နက်နဲနဲ စိုက်ကြည့်နေသော မျက်လုံးများကို တွေ့လိုက်ရသည်။ မုတ်ဆိတ်မွေးနဲ့လူသားက သူမ တစ်ကိုယ်လုံးကို သွေးများဖြန်းပေးလိုက်သည်ကို သတိရသွားတော့ ကျွော့ချင်းက ခပ်မြန်မြန်ပြောလိုက်သည်၊ "ဒါက ကျွန်မရဲ့သွေးမဟုတ်ဘူး..!"

　　လို့ရှီးယန်က သူမ၏ လည်ပင်းကို ညင်သာစွာ ပင့်တင်လိုက်ရာ သူမ၏ သွေးများသာမက ဒဏ်ရာများကိုပါ မြင်တွေ့ခဲ့ရသည်။

　ကျွော့ချင်းက　လည်ပင်း အနည်းငယ် ယားယံသလို ခံစားလိုက်ရသည်။

　　"မလှုပ်နဲ့" ကျွော့ချင်း၏ ပခုံးများက နစ်ဝင်သွားပြီး လို့ရှီးယန်က ပျော့ပျောင်းသော ကုတင်ပေါ်တွင် ပြန်ထိုင်လိုက်သည်။ သူ့၏ ကြည်လင်သောအသံက ယခင်ကလို နူးညံ့သိမ်မွေ့နေပေမယ့် အနည်းငယ် လေးနက်နေသည်။ လို့ရှီးယန်က ရထားလုံးပေါ်မှ အဖြူရောင်လက်ကိုင်ပုဝါတစ်ထည်ကို ရှာတွေ့သွားပြီး သူက သူမမေးစေ့ကို လက်တစ်ဖက်ဖြင့် ပင့်ကာ အခြားလက်တစ်ဖက်ဖြင့် ပိုးလက်ကိုင်ပုဝါကို သူမလည်ပင်းတွင် ညင်သာစွာ ပတ်ပေးလိုက်သည်။ သူ့လက်က အနည်းငယ် အေးစက်နေသည်။ နှစ်ယောက်သားနီးကပ်လွန်းနေသဖြင့် သူ့ခန္ဓာကိုယ်ပေါ်မှ သင်းပျံ့နေသော စန္ဒကူးနံ့သာရနံ့ကိုပင် ခံစားမိနေကာ သာမန်အမျိုးသားသုံး ရေမွှေးများထက် အနံ့ပိုကောင်းနေသည်။ လို့ရှီးယန်၏ ပြီးပြည့်စုံလုနီးပါးရှိသော ပုံရိပ်က သူမ၏မျက်လုံးများရှေ့တွင် ပုံပေါ်နေပြီး ကျွော့ချင်းက အနည်းငယ် အသက်ရှုရခက်သလို ခံစားလိုက်ရသည်။ ဒါပေမယ့် အလှတရားကြောင့် သူမ လှည့်စားခံရတာကိုတော့ ဘယ်တော့မှ ဝန်မခံချင်ပါဘူး။ တင်းတင်းကြပ်ကြပ် ပတ်ပေးနေတဲ့ ပိုးလက်ကိုင်ပုဝါကြောင့်လို့ ပြတ်ပြတ်သားသား ကောက်ချက်ချလိုက်သည်။