"ကြီးကြီးညို.... ကျနော် ဖေဖေချစ်တဲ့လယ်တွေကိုမရောင်းချင်ဘူး....ဒါပေမယ့် ကျနော် ရောင်းရတော့မယ်"
"ငါ့တူ...ငါ့တူလေး ဘယ်လိုလုပ်ချင်လဲကြီးကြီးညိုကိုပြော"
"ကျနော် လယ်ကိုရောင်းမယ်ဗျာ...မြို့မှာအိမ်နဲ့ခြံဝယ်မယ်...ပြီးတော့ ကြီးကြီးညို ကျနော်တို့နဲ့မြို့မှာလိုက်နေပေးလို့အဆင်ပြေလားဟင်"
"ကြီးကြီးညိုကအဆင်ပြေပါတယ်...ကြီးကြီးညိုငါ့တူကိုကျောင်းထားပေးချင်လိုက်တာ.....ကြီးညိုချမ်းသာချင်လိုက်တာ"
"ကြီးကြီးညို မတွေးပါနဲ့.....ဒါနဲ့ ကျနော် နွားနှစ်ကောင်ကိုမရောင်းချင်ဘူးဗျာ..."
ကောင်းမွန် သူငယ်စဥ်ကတည်းက သံယောဇဥ်ရှိခဲ့သောနွားများကိုမရောင်းချင်။
"ငါ့တူ.... ထွန်းလှတို့ကိုအပ်ခဲ့ပါ့လား.....သူတို့လည်း လယ်ထဲဘာထဲသွားရင်နွားလိုတာပဲ....သူတို့အတွက်လည်းအဆင်ပြေတော့ ကူညီလောက်မာပါ"
"ဟုတ်"
..................
ကောင်းမွန်တို့ရွာကလေးသည် ဖွံ့ဖြိုးဆဲရွာကလေးဖြစ်သည်။ ဦးလေးထွန်းလှရဲ့အသိ သူဋ္ဌေးက ရွာကလယ်များကိုဝယ်ချင်နေတာကြာပြီဖြစ်သည်။ကောင်းမွန်တို့လယ်ကွက်များက လမ်းဘေးကပ်ရပ်ဖြစ်သောကြောင့်စျေးကောင်းပေးမည်ဟုလည်းပြောသည်။သူများဘက်တွေ လယ်တစ်ဧက50/100ရသော်လည်း ကောင်းမွန်တို့ရွာနားတစ်ဝိုက်ကလယ်ဟာမြေများမှာ တစ်ဧကသိန်း500အထိပေါက်သည်။
ကောင်းမွန် သူ့ရဲ့ လယ်7ဧကကိုရောင်းပြီးမြို့တွင်အိမ်နဲ့ခြံဝယ်လိုက်သည်။ သူ အရာရာမှာချွေတာသည်။သုံးသင့်တာကိုသာသုံးပြီး မသုံးသင့်သောအရာများမှာသူလုံးဝမသုံးပေ။ ကြီးကြီးညိုက မန္တလေးလိုက်လာသဖြင့် သူတို့မောင်နှမနှစ်ယောက်အတွက်အဆင်ပြေသည်။
ကျောင်းတစ်ဖက်နှင့်လည်း သူမေလေးကိုအရင်အတိုင်းစာပြသည်။ အချိန်ပိုင်းအလုပ်မျိုးစုံလည်းသူလုပ်သေးသည်။................
နန်းနန်းနဲ့မေလေးရဲ့ 8တန်းစာမေးပွဲ နောက်ဆုံးဖြေဆိုပြီးတဲ့နေ့...
![](https://img.wattpad.com/cover/352350456-288-k908438.jpg)
YOU ARE READING
နှလုံးသွေးဖြင့် ဆေးပါရစေ (Completed)
Romance#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ
အပိုင်း 23
Start from the beginning