"နောက်သတင်းကတော့ တစ်နှစ်နီးပါးဖျက်သိမ်းခံထားရတဲ့ မူလနယူးယောက်ဟီးရိုးအစည်းအရုံးကို ဖက်ဒရယ်ကောင်စီက တရားဝင်ရုံးပြန်ထိုင်ခွင့်ပေးလိုက်တဲ့သတင်းပါ။ လက်ရှိနယူးယောက်ဟီးရိုးအစည်းအရုံးဥက္ကဋ္ဌ Sonic Trainနဲ့တခြားဟီးရိုးတွေကိုတော့ တာဝန်မကျေပွန်မှုနဲ့ ကမ္ဘာ့ဟီးရိုးအစည်းအရုံးဆီတိုင်တန်းပြီး ဖြုတ်ချထားပါတယ်။ အစည်းအရုံးအတွက် ဥက္ကဋ္ဌရွေးကောက်ပွဲလုပ်ဖို့ရှိနေပြီး ယခင်ဒုဌာနမှူးဟယ်ရီက တစ်ပြေးနေပါတယ်။"
ဗီဒီယိုကလစ်ထဲမှာတော့ နယူးယောက်က ထွက်ပြေးနေတဲ့ ဟီးရိုးတွေအားလုံးကို ဟီးရိုးအစည်းအရုံးရှေ့မှာ တွေ့နိုင်ပြီးတော့ ဟယ်ရီကို အားလုံးကဝိုင်းမကာ မြှောက်ထားကြပါတယ်။ ဟယ်ရီကိုယ်တိုင်ကတော့ ငိုရမလိုလိုရယ်ရမလိုလို မျက်နှာထားမျိုးနဲ့ရှိနေပြီး ဖားလေးကိုတော့ ဘယ်နေရာမှာမှမတွေ့ရဘူး။
နောက်တော့ သတင်းကြေညာသူရဲ့မျက်နှာပေါ်လာတယ်။ ဒါပေမဲ့ ဘာသတင်းမှမကြေညာရသေးခင် တခြားလူတစ်ယောက်က အနားရောက်လာပြီး အမျိုးသမီးတင်ဆက်သူကို နားနားကပ်ပြောကာ လက်ထဲကို စာရွက်တချို့ထိုးထည့်ပေးသွားတယ်။ တင်ဆက်သူလည်း အတော်အံ့ဩနေပုံပဲ။ သူက လက်ထဲရောက်လာတဲ့ စာရွက်တွေကို မြန်မြန်ဆန်ဆန်ဖတ်လိုက်ပြီး တုန်ရင်နေတဲ့အသံနဲ့ စသတင်းကြေညာပါတော့တယ်။
"အထူး... အထူးကြားဖြတ်သတင်းပါရှင်။ ဖက်ဒရယ်ကောင်စီနဲ့ငြိမ်းချမ်းရေးမဟာမိတ်က အခုပဲ ပူးတွဲထုတ်ပြန်ချက်တစ်ခုကို ကြေညာခဲ့ပါတယ်။ ယခင်အပတ်က ဖြစ်ပွားခဲ့တဲ့ နယူးယောက်မြို့တိုက်ပွဲမှာ မြို့ကိုအန္တရာယ်ပေးခဲ့တဲ့ မြူတန့်သားရဲက ကမ္ဘာပေါ်က သက်ရှိမျိုးစိတ်မဟုတ်ဘူးလို့ဆိုပါတယ်။ ပြင်ပအသိဉာဏ်မြင့်အင်အားစုတစ်ခုဖြစ်တဲ့ ပိုးကောင်အင်ပါယာအမည်ရတဲ့ အဖွဲ့အစည်းတစ်ခုရဲ့ကမ္ဘာကိုသိမ်းပိုက်ဖို့ ကြိုးစားတဲ့ ပထမဆုံးခြေလှမ်းဖြစ်ပြီး ငြိမ်းချမ်းရေးမဟာမိတ်အဆိုအရ ရုရှားနဲ့ဩစတေးလျှမှာလည်း ပုံစံတူတိုက်ခိုက်မှုတွေရှိနေတယ်လို့ဆိုပါတယ်။ ငြိမ်းချမ်းရေးမဟာမိတ်က ကျန်ရှိနေသေးတဲ့ ကမ္ဘာ့အင်အားစုအားလုံးကို တပ်လှန့်ပြီးပူးပေါင်းဖို့ ထုတ်ပြန်လာပါတယ်။
ВИ ЧИТАЄТЕ
I just Wanna be Hero, not Heroine (Season 2)
Наукова фантастикаSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
V7 Chapter 18
Почніть із самого початку