ကြောင်လေးတွေက ရွှေအိမ်စည်အနား တွင်ဝဲကာနေသည်။ ဆာရီအနီရောင်ဝတ်ထားသောအိမ်စည်က တကယ်ချောလွန်းသည်။ကောင်းမွန် ထိုကဲ့သို့ချောသောမိန်းကလေးကို အပြင်မှာပထမဆုံးမြင်ဖူးခြင်းပင်။ကြောင်လေးတွေကိုလည်း ကြင်နာတတ်သောထိုမိန်းကလေးက စိတ်ထားနူးညံ့မည့်ပုံစံလေးပင်။
ရုတ်တရက် စကားပြောလိုက်သော ကြီးကြီးခင်ကြောင့်ကောင်းမွန်မြတ်အတွေးတို့က ရပ်တန့်သွားသည်။
"အိမ်စည်....ကြောင်လေးတွေကို အစာကျွေးလိုက်ပါဦး"
"ဟုတ်ကြီးကြီး"
.
."ကြီးခင်...အဲ့တာလေးက ကြီးခင်ပြောပြနေတဲ့ ကြီးခင်တူမလေးလား...အချောလေးနော် တူမလေးက"
"ဟုတ်တယ် ရည်မွန်ရေ...ပျင်းလို့လာလည်တာတဲ့...ကောင်းမွန်လေးနဲ့ရွယ်တူလောက်ပဲ"
ခဏအကြာတွင်ဘူတာကြီးမှထွက်လာသော ရထားမှာ သူရဲဘူတာသို့ဆိုက်ရောက်လို့လာလေသည်။
ကောင်းမွန်တို့ရထားပေါ်တက်ပြီး နေရာယူကြသည်။ကောင်းမွန် မေလေးအတွက် ငုံးဥပြုတ်ဝယ်ဖို့မမေ့။
"သား...သားညီမလေးကို တအားအလိုမလိုက်နဲ့နော်...ငါ့သားကိုမကြောက်ဘဲနေလိမ့်မယ်"
"မေလေးက အဲ့လိုကလေးမျိုးမဟုတ်ပါဘူး အမေရ.....သူ ကြီးလာလို့မလိမ်မာရင်လည်း သားတစ်ယောက်လုံးရှိပါတယ် ...ဆုံးမဖို့သားတာဝန်သာထား"
"ဘယ်လိုဆုံးမမှာလဲ သားက"
"ဆူသင့်တာဆိုဆူမယ်...ရိုက်သင့်တာဆိုရိုက်မယ်...ချော့တစ်ခါ ချောက်တစ်လှည့်ပေါ့အမေရ.....သား သားညီမလေးရဲ့ဘဝကိုလှပအောင်ထုဆစ်ပေးမာပါနော်"
ရထားပေါ်တွင် စကားပြောနေကြသော သားမိနှစ်ယေက်မှာ ဘေးကလူတွေကိုပင်ဂရုမစိုက်နိုင်။
မန္တလေး သူရဲဘူတာမှသူတို့စစီးလာသောရထားသည် အိုးဘို၊မြနန္ဒာ၊ ကံပိုင်အစရှိသော ဘူတာများကိုကျော်ကာလာလေသည်။ ရထားမှာ တောင်ပြုံးဘူတာသို့မကြာမီရောက်တော့မည်။
ကောင်းမွန် သူ့အမေ့ကို ကြည့်ကာ....
"အမေ.....အရင်နှစ်တောင်ပြုံးပွဲတုန်းက သားတို့ရထားနဲ့သွားတာ ပျော်စရာကြီးနော်.... ဒီနှစ်လည်း သားတို့ရထားနဲ့ပဲသွားကြမယ်နော်...အဖေရယ် အမေရယ် သားရယ် ညီမလေးရယ်အတူတူ ပွဲစျေးတန်းလျောက်လည်ကြမယ်"
![](https://img.wattpad.com/cover/352350456-288-k908438.jpg)
CZYTASZ
နှလုံးသွေးဖြင့် ဆေးပါရစေ (Completed)
Romans#Normal #Myanmar fiction #punishment type #ဆိုးသွမ်းလွန်းတဲ့ကောင်မလေးနဲ့ တည်ငြိမ်ရင့်ကျက်တဲ့ကောင်လေးရဲ့အချစ်ဇာတ်လမ်း #ဖတ်ကြည့်ပါ တစ်ခုခုတော့ကျန်မှာပါ
အပိုင်း 3
Zacznij od początku