شذرة الشاهين

البارت ٣٦

حياكم الله 🩵
الكاتبة // ميــس آل صـلاح

اتمنى تكونون جميعاً بالف خير وصحة وعافية
دتوصلني رسائل على خاص محتواها انتي نسيتي شاهين وشذره بالجزء الثاني و التركيز صار على شخصيات اخرى ....

حبايب الجزء الثاني خاص عن حياة الشخصيات اللي ظهرت بشكل ثانوي بالجزء الأول وهذا الجزء يتحدث عن حياتهم وقصتهم

...

وأخافُ يَومًا أن أُحبَّكِ
فَوقَ ما تَتوقَّعينْ
فالعِشقُ عِندي
غَيرُ كلِّ العاشقينْ
عِشقي أنا كالنَّارِ،
كالإعصارِ،
كالزِّلزالِ،
كَالبُركانِ،
عِشقي ثَائرٌ ..
لا يَسْتَكينْ
عِشقي كَسيلٍ جَارفٍ،
نَهرٍ يَصُبُّ مَشاعري في الآخَرينْ
عِشقي عَطاءٌ دَائمٌ
فَإذا طلَبْتِ الشَّيءَ كانْ
وإذا طلَبْتِ العُمرَ هَانْ
لَكِ دَائمًا ما تَطلُبينْ
يا مَن مَلكْتِ الرُّوحَ،
والقلبَ المُعذَّبَ بالحنينْ
رِفقًا بمِنْ تَتَمَلَّكِينْ

...

ليث :ههههههه يا بويه سينما و ببلاش انتي وعلي !

قسور : لا تچفص!

ليث : اركضي ضمي الكفشة لا يشوفها و ينهزم

سمر: والله محد ضاربة على ايده !

ليث : لا بس مضروب على گلبه

سمر: شنو ؟

ما حسيت الا خاشوكة مال استكان ضربتني بأيدي إجتني طايره صحت بصوت عالي يبووو !

قسور : و ووجعووو ! تحركي حطي خرگة على راسچ

اية : هههههه ولكم راح أموت...

ليث : اسم الله حياتي يومي قبل يومچ ...

سمر: خفوا علينا عيني روميو وجوليت !

ايه : أحسن منكم على الاقل رومانسيين !

سمر : تره ...

قسور : راح تظلين تقصقصين ؟

سمر: اييييي شبيك قسوره مو دا اسولف!

حرك إصبعه السبابة يهدد : بالقرآن اذا متحركتي و حطيتي ربطة على راسچ ادگچ صفر !

بعدني ما حاچيه إجاني صوت نبع الحب و الحنان يلعلع

ام شاهين : ولچ شو ماخذه راحتچ و مفرعه ؟ أمشي  گدامي يلاااا

سمر: اوووي مو صوجكم صوجي اني اللي لحد الآن باقيه وياكم

ام شاهين : ليش وين تردين تولين اذا مو ويانه ولچ؟

سمر : لا قصدي باقيه وياكم بالمطبخ !

بدون اي مقدمات سحبت الشحاطة من رجلها تريد تكتلني بيها گمز قسور لزمها وليث دفعني وطلعني من المطبخ ...

....

مريم

أخر إتصال بيني وبينه چان بالنسبة الي مثل قنينة الاوكسجين بالضبط كل ما اشتاقله او أتعب من البُعد أرجع أتذكر كلماته ...