حياكم الله 🩵
أحنا المتعبين أهلنا
مدري المتعبينه أهلنا
الكلـشي نبچي
نبچي اذا يمنا وتر مذبوح غنه
نبچي اذا نـاي
اشتهه يسمعنه ونـه
نبچي حتى عالكتلنه
...
شاهين : عوف يوسف عليه ولا يهمك !
فهد: ما چنت حاسب هيچ حساب ... لو ادري ولا فاتح الموضوع ! استعجلت !
شاهين: ليش ما انتظرت تكمل امتحاناتها ؟ ما بقى شي عليها!
فهد: خطبوها وأمها موافقه ما ردتها تروح مني... وياريت واحد بيه حظ! أني القاهرني انطيتها كلمه شاهين شلون أتراجع بيها؟
شاهين: هسه انت ليش مستعجل ... يجوز يطلع اللي گاله يوسف غلط!
فهد: أعرف كلشي عنهم ومتأكد شنو راح يسمع أبويه بس اللي همه ميعرفوه البنية تغيرت للأفضل ورب العالمين قبل التوبة أحنا منو حتى نحكم على الناس؟
شاهين : أهدىء حتى تفكر صح وتوصل لحل ..
فهد: شلون اهدأ ؟؟! هاك شوف شگد إتصلت لحد الان ٥٣ إتصال وما مجاوب عليها ! تدري هسه شصاير بيها ! ما أعرف شنو احچي وياها ؟
شاهين: هيه تعرف راح تفاتح ابويه اليوم.؟
فهد: لا متعرف بعدها!
شاهين : خلص لعد جاوبها واحچي طبيعي لحد ما الله يفرجها ! جاوب عليها أحسن ما يظل بالها يجيب ويودي خطية شنو ذنبها ؟ اني رايح ادخن چگاره واوصي على چايات واجي ... أخذ راحتك اجاك اتصال!
فهد( بصوت مبحوح): ها عيني !
مريم تبچي: ووووينك فهد؟ وين انت؟ ليش متجاوب ؟
فهد: هاي شكو شبيچ؟ ليش البچي؟ امچ سوتلچ شي؟
مريم: مو أمي هاي مو أمي... حرام تكون أُم.. أكرهها ان شاء الله تموت وأخلص (شهگت ) تعبت والله بعد ما أگدر فهد ... ما أريد أتزوج هذا وتريد تبطلني من المدرسة ااااه والله ما أريد شي بس أكمل امتحاناتي وأطلع من السادس !
فهد : أستغفر الله ربي .. مريم اسمعيني ..
مريم : أنت اسمعني انت .. أني طلعت من البيت وما ادري وين أروح خاف تندل مكاني وترجعني
فهد: شنووو! وين أنتي؟
مريم: إجيت للمحل عبالي الگاك موجود !
فهد: أدخلي انتظريني بالمحل هسه اخابر الولد اوصيهم عليچ بين ما اوصل مسافه الطريق! في امان الله
مريم : في أمان الله..
شاهين: هااا وين ؟ وصيت على چايات!
فهد: هاي مهزومة من البيت لازم اروحلها !
شاهين: يلا اجي وياك!
فهد: يلا
...
سمره
KAMU SEDANG MEMBACA
شذرة الشاهين
Romansaهلي و زتتنا الضفاير و الضماير و الخناجر و الدفو الغطه الچفوف وچانت الهلهولة خرسة تضيع بالشفه وتطوف
