شذرة الشاهين

الشذرة الثامنة عشر🩵

حيــاكم الله🩵

شكرا جزيلا الكم حبايب على تفاعلكم ويه القصة وياريت تساعدوني على نشرها أكثر حتى تشجعوني استمر

تابعوني على الانستا هذا حسابي @al.m3mori اترككم مع البارت..
أحبكم 🩵
....

إنِّي رأيتُ من العيونِ عجائبا
‏وأراكِ أعجبَ من رأيتُ عيونا
‏ما كُنتُ أحسبُ أنّ طَرفًا ناعِسًا
‏قد يُورِثُ العقلَ السّليمَ جُنونا .! ♥️

...

آنـه آسـف لو يمـر يـوم وكلامـي وياچ يبــرد
و أعتــذر لو جفنــي قبل عيونــچ الحلـوات ينسـد
لا يظـل بالچ اذا عفـت اني ايديـچ لو جرحـها بيوم معضـد
آنـه ما اتغيــر وتدرينـي باقـي حتى اذا مـا يبقى أحـد
ولـو يگلولــچ تره محـد يحبــچ هم أصيرن اني محــد

....

يوسف

ثاني يوم إتصلت على ليث من الصبح وانطيته عنوان ابن خالتها لأن يكبسل حتى يأخذون إجراءاتهم وياه ويطلع من حياتها نهائيًا ومتزعج نفسها بالتفكير بيه وتخلص من ضغط امها...

اما أخوها فحسابه عندي بالوقت المناسب اعرف شلون اطيح حظه ...

رحت للجامعه بوجهي على كليتها اريد اشوفها ..وصلت واتصلت بيها حتى نلتقي خمس دقايق وإجت لابسه نظاراتي نفسها وصديقتها نرجس وياها

شروق ونرجس : صباح الخير

يوسف: صباح النور شلونچ نرجس؟

نرجس : الحمد لله بخير صرت زينه من داومت شروق وشفتها بعيني ظل بالي عليها!

يوسف: هيج تخلين بال نرجس عليچ؟ مو خطية تقلق عليچ!

هيه ابتسمت ونرجس گامت تضحك وتباوع عليها

يوسف: نروح نتريگ سوه؟؟

شروق: لا ماكو داعي نسوي عليك زحمة

نرجس: يوسف خوية اني متريگة روحو انتو تريگو بالعافية

يوسف: الله يعافيچ يلاا يابه امشي

شروق( تخزر بنرجس) : لاا مو...

قطعت كلامها: يلا شروق لتعاندين عندي حچي وياچ

نرجس ( مبتسمه) : يلا اني اترخص منكم ! دير بالك عليها

يوسف: لا توصين حريص ! يلا تعالي ...

مشينا اني وياها ظلت ساكته باوعت عليها شفتها مجروحة واكو زراگ جوه عينها يبين من الجانب مال النظاره..

يوسف: البارحة ما شفتچ زين بسرعه ختلتي!! جبانه..

شروق : مو زين طلعت أصلًا الا نامت اختي يلا

يوسف: اختچ البلبل الفتان مال البيت؟

شروق: ههههه اي هاي اللوگية مال امي بعد